متضايقه حدددي من صار لها مثلي ؟؟؟!

بعد ما تاخرت الدورة علي بكم يوم سويت كذا طريقة للكشف عن الحمل في البيت وكلهم كان يطلع لي حامل
اول شي جربته اخذت عينة ابوال اكرمكم الله وخليتها لمدة 8 ساعات
رجعت لقيت من فوق شفاف ومن تحت زي الكتل .. يعني حااامل

ثاني شي سويته عملت طريقة الاصبع والسرة والنبض
وما كان فيه نبض … يعني حااامل

ثالث شي سويت تحليل الكلوروكس
وفار بقوة وطلع ريحة ملت المكان وصار فوق الكاس زي الطبقة من الرغوة .. يعني حااامل

ورابع شي اخذت عينة ابوال وعرضتها للحرارة
تكتل الابوال وبدى يثخن .. يعني حااامل

بعد اسبوع من تاخير الدورة قلت يالله اتوكل على الله واسوي تحليل منزلي

سويت تحليل وكانت النتيجة
طلع خط غامق وخط ما يبان الا اذا حطيت الكاشف تحت الاظائة القوية

قلت يمكن جالسة اتوهم

الاسبوع الثاني سويت اختبار ثاني
وطلع لي خط غامق وخط فاتح حده بس يبان شوي يعني اغمق من الاول بشوي

والاسبوع الثالث سويت اختبار ثالث
وطلع لي خط غامق وخط فاتح لكنه يبان واضح

وانا الحين في الاسبوع الرابع
حللت دم طلع سلبي >> ماكان تحليل رقمي كان تحليل عادي <<

واليوم سويت تحليل منزلي طلع لي خاطئ لانه حتى خط الكونترول ما طلع

بس والله يا بنات حاسة بكل اعراض الحمل

احس بالم في ظهري واتعب من اقل مجهود
وغير الغثيان اللي دوم مستمر معاي
وحتى بشرتي احسها صايره سمره واايد
مع اني بشرتي حنطاوية فاتحة >> لا تقولوا لي من الشمس لاني صار لي اسبوع ما طلعت من البيت <<
واحس بالام في بطني تحت السرة
واحس بصداع دوم في راسي

امس كنت عند الدكتورة .. قالت لي احتمال عندي حمل وتوه في البداية
عشان جدي الهرمون ماهو قوي

يا بنات طمنوني

والله نفسيتي تعبانه من جد

مو عارفه اذا كنت حامل او لا