متضايقه جدآ!

كيف حآلكم؟

سجلت عشان اشكي لكم

لان جد تعبت من كل شي والحمدلله على كل حال

رآح اقولكم قصتي وخبروني مين المخطي لاني مااعرف ابدآ!

انا فتاة عمري 16 سنه وبدخل 17 قريبآ
تعرفون عمري يسمى مراهقه
انا ماعندي ثقه بنفسي ابدا
محطمه
كل مابغيت شي وتمنيته لازم يصير شي يضايقن

,
من يوم وانا بآأول ابتدائي الا خامس ابتدائي لم يكن لي صديقة
كنت كسلانه ودرجاتي مو حلوه ابدآ
وكثيرة الصياح بعد
كان لي بنت عمة قريبه لي جدآ
وكنت دايما افضل كل شي لي وله
ومايهمن لو اعطية شي احبه
رغم اني صغيره
ماكنت قوة مع اهلي يعني اكثر شي مع اخوي الي اصغر مني بثلاث سنين
كنت اللعب معه وتعرفون صغيرة
كثير ماانظلم
ظلمت بالمدرسه كثير واكثر موقف ماقدرت انساه بالابتدائي كان مكتوب سب باابواب الحمامات وانتم بكرامه
وظلموني يحسبونن انا
عموما يوم رحت للسادس ابتدائي
تصادقت مع وحده بس كنت متاهوشه مع اخته اتوأم
مو هوشه كبيره ااذكر اخته التوأم قالت لي يادوبه
كنت صحيح مليانه وكثير انجرح لا قالو لي دبه وانا صغيره
ورحت شكيت عليه بالاداره وقلت ان قالت لي دوبه خخخ صغيره لا تشرهون علي
وهددتن اخته انها تطقني لاني اشتكيت عليه
وكنت امشي رجل للبيتنا وهي كمان
يوم مشيت رجل وكنت مسرعه عشان ماتمسك فيني بس مسكته فيني والاخت
فصخت عبايتها وكانت بتضربني
وقالت له اسفه واخر مره اعيدها وانا دوبه<ولله ياانا ماعندي كرامه ههههه
وتركتني بس ولله تخوف شكله للحين مانسيت شكله هههههههههه
المهم وقدر الاقدار اني اصادق اخته بسادس ابتدائي
يمكن اخته الي تهاوشت معه تهاوشت معه بسن رابع او خامس مااذكر
المهم تقريبا ماستمرينا انا واخته مع بعض الا بآ أول متوسط يوم مابقى الا قليل وتنتهي السنه
بس طعنت ظهري ياعالم وجرحتن كثير
تدروون بسبب ايش؟!
بسبب ان وحده من الاستاذات قالت له مستواك زفت بالدين وبسبب صديقتك الي هي انا
المهم زعلت علي لمدة يومين واذكر رحت شكيت لبنت عمتي المقربه لي
وقالت لي عطين رقمه ادق عليه واقوله انك انتي طيبه ومالك دخل ومن كذا
اذكر عطيته رقمه
ومن جيت للمدرسه تصالحنا انا وصديقتي بنفس اليوم الي عطيت بنت عمتي رقمه يعني بالليل عطيته والصبح رجعنا للبعض

المهم واستانست انا يوم رجعت للبيت دقت ام صديقتي ومن الوقاحه قالت اهلين فلانه شخبارك؟ وين امك؟
يوم عطيته امي وانا مستغربه
قالت بنتك لا عمره تدق على بنتي خربت مستوى بنتي ومعطتن رقم بيتنا رقم ناس ,لا عمره تمشي معه
خربته وازعجتنا من كثر ماتدق!
ولله ياعالم انه بنته الي هي كانت صديقتي كانت هي كثير ماتدق حتى تخيلو تدق الفجر !
وماكد اشتكينا!
المهم امي هاوشتن وانا صغييره عن الاشياء ذي!
المهم رحت للمدرسه وانا منقهره منه
والمشكله مااسكتت امه عن هذا بس
لا دقت على المرشده الطلابيه وتشكي علي
وزودت ككذب هالظآلمه قالت اني عطيت بنته رقم عيال ومعرفته للعيال ولي صديق من يوم وانا بالحضآنه!
ههههههه تضحك صراحه!
هذي آم؟هذي تربيه؟
ظلمون ظلم قوي ويوجع القلب
من الوقاحه جت صديقتي وتضربن بالفصل وتقولي روحي للمرشده
ولله بذاك الوقت قهرتن
طبعا من ماقالو للمرشده الا بعد شهر من هواشنا او اسابيع
وخلال هالشهر تعرفت على وحده تهاوشت مع صديقته وتصادقنا انا وياه
وكنا ثلاث انا وهي ووحده معي من يوم صديقتي الاولى تظلمن
المهم يوم نادتن الرشده ورحت له
كانت تقولي وراك كذا يافلانه؟
مااذكر كل السالفه بس اذكر انه قالت لي شي قهرن
وقلت له تدرين انه تقولي اني معطيته رقم اعيال؟
هي قالت ايه امه قالت لنا!
انا انصدمت اذكر
وقالت ترا ماصدقناه لان الواحد يبان
وقفت اذكر معي سبحان الله الله كان معي
اذكر رجعت للفصل وانا منهاره ولا الكلبه ذي طلعوه اهله
واذكر يوم جلست بمكان عند صديقاتي صحت وهن عصبن وقالن امشي نروح نقول للمرشده
اذكر رحنا للمرشده وقالو ترانا نعرف فلانه ومستحيل تسوي كذا تراه طيبه والخ

وبعد مآ كتفت امه السخيفه بهالموضوع !
دقت على بنت عمتي مو بنت عمتي دقت عليهم وكلمت صديقتي الاولى
يوم دقت بدت تهاوش بنت عمتي وعمتي
وصارت هوشه بينا واذكر بنت عمتي الكبيره مسحت بي البلاط
ولا وزود علا كذا بنت عمتي الي مقربه لي انكرت اني معطيته رقم صديقتي وتقول مادقيت وهي تكذب
يعني الرقم طلع عندهم وصار من منطقتهم !

مااقول الا حسبي الله ونعم الوكيل

في اشد من طعن الظهر للصديقك؟
صدق من قال احذر صديقك مليون مره وعدوك مره مع انه كانت اول صدداقه لي
جد انبتت لي عدم الثقه بآأحد
وبالعطله الصيفيه اذكر سجلت بدار للحفظ القرأن مع بنت عمة ثانيه لي
واذكر كنت احفظ واسمع
وكان في دورة حاسب بالتحفيظ سجلت فيها بنت عمتي وكآنت بمبلغ 300ريال
رحت للبيت وقلت لاهلي ورفضو
حسيت بقهر ونقص عن غيري
رحت سرقت المبلغ من فلوس امي !
لاتلومونن تراي صغيره انا اذكر السالفه صارت بخامس او سادس ولله مادري
بس اكشفو اهلي اني سرقت وفصلون عقابا لي
وضربني ابوي ضرب لحد الموت
جد ضرب كآن يوجع بقوه
ونصيحهه من للمجربه “لحد يضرب طفل ابدآ,يعني اول شيئ خوفة من الله ونصحه ثم هاوشه بصراخ واحرمه من اشياء ثم الجاء الا الضرب ان مانفع معه بس ولله الضرب حل سيء جدآ ويزرع اشياء شنيعه للطفل!
قبل لااسرق المبلغ كنت يوم انا برابع رايحه للسوق وانا صايمه برمضان
انا واخوي واختي
شرى اخوي يويو وكانت بخمسة ريال وماشرو لي
انقهرت وسرقته بدون مايدرون
ثم شريت لي ليز كاتشب وحطيته فيه اقالها هديه عشان مايكشفوني
بس اكشفتن اختي واذكر عاقبوني واخذوها من والخ
<الماضي حقي اسود خخخ
صدق مع اني طفل بس اقهر بماضيي الاسود
تقريبا تلقيت ضرب من ابوي ثلاث مرات وماقدرت انساهن وكما تعرفون الطفل ماينسى
ومعضمهن سخيفات
يعني كد ضربن للاني جيت رجل من المدرسه بس من طريق ابعد لان كنت امشي مع وحده
وكد ضربن عشان تهاوشت انا واختي على العشاء
للدرجة صرت اكرهه من تعامله لي
هذا كله من الماضي وايام الابتدائي الشنيعه
يوم رحت للثاني متوسط ومع صديقة جديده وصديقة من اول معي
ماكنا نرتاح انا وصديقتي الي من اول معي وقلنا له مانرتاح لك بآأدب<خخ ولله اقهر
مع انه طيبه وحبوبه بس مادري وش نحس فيه
عموما صادقت ناس احسن منا
وحنا تعرفنا بنصف الثاني على بنتين كانن صديقات بقوة
الي هن ايمان ووجدان
يوم دخلنا معهم تغيرت صديقتي علي الي هي اسمه دانه
وكنت اررحم وجدان لانه ماكنو يعطونه وجهه بقوة
المهم كنت انا وايمان نركب بباص واحد ونشكي لبعض
وكانت ايمان معي ايام الابتدائي وكنت ارتاح له بقوة لانها طيبه ومحترمه حيل
بديت اكرهه ايمان لاني حسيتها هي الي غيرت علي دانه
بس ايمان كانت طيبه وماتقدرين تكرهينه صادقتنا وحده اسمه مي كانت له صديقه مقربه بس نقلت
يوم صادقتنا مي انقلب حالنا صارت دانه مع مي بقوة
وانا وايمان ووجدان بالحالنا اذكر ضاق صدري بقوه
بس الي فرحني ان ايمان ووجدان كانن معي
لدرجة جاء يوم كانت بتتركن فيه دانه وتبي تعتذر انه ماتبين
بس استمرينا مع بعض بعلاقة فاشله
وكل مارجعت للبيت اصيح من القهر وانا حساسه جدآ
ويوم نجحنا للثالث
صار فيه تغيرات بتغير الطالبات من الفصول
وانا كنت متوتره بس اشواء كنت مع صديقاتي
بس جت المديره وقالت اسمك متكرر ونقلتن للفصل الثاني بسبب وحده من المعلمات كانت منقهره من <تصرفات طفوليه =
واذكر انهرت يوم نقلون ورجعت للبيت اصيح وقلت خلاص راح نتزاعل انا وصديقتي
بس جدتي قالت لي اذا هي صديقه صح ماراح تتزاعلون
وامي تقولي “يمكنه خيره!
وانا اصرخ وشي خيره وانا بتزاعل مع صديقتي
وصدق تزاعلنا انا وصديقتي
وماكان احد يجين الا ايمان تقول لي تعالي معنا
بس طفشت حسيت اني مبغوضه من بينهم بغض النظر عن ايمان
فتركتهم بهدوء
وكنت افسح بالحالي الا اشوف مجموعه بنات بالارض جالسات ويفسحون ويضحكون
كنت اسولف معهم بس قليل مو مره وكانت وحده اقرب وحده استهبل معه واسمه سلوى
قلت لهم وانا مستحيه عادي اجلس معكم
وقالت سلوى وهي تبتسم اييه عادي تعالي تعالي
ومن بعده تعرفت عليهم وربي كانو افضل صديقات والله لايفرقن بينهن يارب
وكنت مصادقه وحده اسمه رنا قريبه لي وكانت تكلمن وراعية اعجاب وتشكي لي عن اعجاباته ومع اني مااطيق هالحركات الا انني اتحملهن عشانه
هي رنا منقوله معي وتصادقنا يوم نقلنا بس بالفسحه تفسح مع غيري
المهم كنت اجيب له هديه لا سافرنا طبعا صديقتي الي قبل الي هي دانه كنا نعطي بعض هدايا للعيد وكل شي
وانا مع صديقتي رنا ذي كنت كل ماسفرت اعطية وكل ماطلبت من اجيب له
وماكد هي فكرت تجيب لي شي!
وكانت تشكي لي بتلفون انه تحب وحده وتبي تصادقه كيف ووشلون؟
وانا اقوله مع اني انقهر لانه بتتركن لا صادقته بس كنت ضامنه انه بتتركن
المهم يوم رحنا للسنة اولى ثانوي
اذكر انقهرت منه وطفشتن على نهاية النصف الاول
ورحت اشكي لوحده اسمه منى الي هي صديقة سلوى المقربه <طبعا هم شله وانا ماتعمقت فيهم مره
يوم شكيت له لاني ارتحت له وهي كانت تشكي لي بعد
عصصبت وقالت ماعلينا منه من بكرا بنسهجه حنا مو لعبة له
المهم صدق سهجناه وانا ضميري يأنبن
بس اصلا هي كانت من الاساس بس تسلم علينا وتروح مع بنات ثانيات وتتحكم فينا يعني لاصار مزاجه مقفل تهاوشنا وكم مره تقفل نفسيته وتحط حرته بي
حتى مره بثالث متوسط تهاشنا بس على شاني ضربته بخفيف وانا الي رراضيته بعد
ومن دخلتنا لاوولى ثانوي وهي بس تسلم علينا وعلى كيفة تجلس معنا احيانا تروح مع غيرنا
طبعا انا ماهمتن لاني متعرفة على شله
وكان عددنا سبع بنااات وهي كانت الثامنه
طبعا سهجناه وماعدنا نسولف معه
ومره بالاختبارات النهائيه جت وسلمت علينا وحنى مستغربين
ومره كلمتن بس كنت اكلمه برود لانه يوم سهجته الي تحبه جت لمنا
يعني شي يقهر مستخدتنا كتسليه له
وتركناه والحين عدوه لنا يعني مانرتاح له

وانا الحمدلله وصدق وعسى ان تكرهوه شيئا وهو خيرا لكم
جد كرهت انهم ينقلونن للفصل الثاني بس تعرفت على صديقاتي الحمدلله يارب
يعني نفس الاستهبال وطلعو شخصيتي الحقيقيه
ومن جد اتمنى من كل قلبي اننا مانتفرق ابد لاني حبيتهم من قلب
انا الحين بثاني ثانوي والحمدلله مع بعض والله لا يفرقنا
جد الف شكر للرحمن
كان واقف معي والحمدلله يارب
،,
قلت لكم كل هذا عشان تعرفون ماضيي
ان انسانه مافيني ثقه بنفسي حساسه دموعي قريبه
احس كل من حولي يكرهن
وجد مقروده جدآ
يعني مالي حظ بس الحمدلله افضل من غيري باالف مره

داييما انا واختي نتهاوش كثير وهي اكبر من بااربع سنوات
ومالي غيره
ياناس ولله ماليت منه
من يوم وانا صغيره وكانت تضربن ونتهاوش انا وياه
واحيانا تضربن بغير سبب بس من القهر
تغيرت معاملته معي يوم دخلت سن 14 يعني بثاني متوسط
صرنا نسولف مع بعض وصرت اشكيله طبعا مو كل شي بس مواقف المدرسه
وامي كل شي قوله
وماعندي رأيي ابدا يعني لازم اشاور مليون مره بالبسي وبالاشياء الي بزينه
مع اني كبرت ولازم اعتمد على نفسي بس مااقدر
الزبده من الموضوع<كل ذا والزبده بعد 😥

يوم صرت بثاني ثانوي
اختي صارت متسلطه بشكل
قبل كنا نتهاوش بس خفيف
بس هالمره هوااش جدي
والي يقهرن محد يوقف معي
يعني كلن ضدي احسهم يكرهونن مافهمت ابد
هو المعروف ان عمومتي يكرهونن لاني صريحه واخذ حقي
عمومتي يحبون الواحد الطيب والي مايخذ حقه نفس امي
ولي اخو يكرهن بقوة من يوم وانا بسادس ابتدائي وهو يجرحن
لاني قصيره وسمينه
كان يقولي الفاظ مجرحه بجد
ويقولي من بياخذ وحده مثلك قصيره وسمينه
ويقول بسم الله علي اخذ وحده نفس جسمك
رغم اني صغيره بس يجرحن بقوة هو وابوي افف بس
لا شافون اكل اجرحون
انا مجنونة شبسات لاشافون اكل يقلون لي انتي بس تبلعين شوفي شحمك كيف صاير؟
واقاله ابوووووووووي
ودايما القب من البزران الدوبه خخخ
وانا اسمن وحده من اهلي كلهم
اسمن واقصر وحده كد شفتم مثل الحظ خخخ 😈
قررت ازين رجيم بثالث متوسط
وطبعا بالعطل اتركه ويزود تعرفون بهذله الرجيم
بس الحمدلله والفضل لله اولآ واخيرآ
نحفت وكسرت روسهم
صار مايطنز فيني نفس قبل وابوي مايقول لي شي ابدآ الحين يعني تغير ابوي مية وثمنين درجه معي
مايجرحن الا قليل
طبعا ابوي مايستلطفن من بين اخواني
مادري ليش بس يمكن لان صوتي طويل لا بغيت اتكلم
بس حتى انا تغير اسلوبي صرت ماارد واحاول اخفض صوتي وصدق شفت التغير
بس طبعا ابو الطبيع مايغير طبيعه ههه يعني مو مره ابوي يستلطفن بقوة يعني عاددي عنده

المهم ماعليكم من ذاء كله
من بداية السنه ذي واختي قاااهرتن
تيخلو يعني متسلطه صاايره مادري وش تحس فيه
يعني هل عمر 21 يمر بالمرحله؟
اففف تقهر
والمشكله عند ابوي يحببه بقوة لانه اول وحده من البنات
طبعا حنى ثنتين بس
يعني هي واخوي الي قبل الصغير عندهم مكااان بقلب ابوي ماشاءلله
لو يطلبون وشي جابوه له = الله يرزقنا ماشاءلله

المهم
اختي تقهرن بشي وحطو موقفكم بمكاني
تخيلو انكم تشكون لاحد ثم يجي ويطنز فيكم بسالفته
انا اختي كذا اشكي له ثم تنشره عند الكل ووتطنز بسالفه
ولله شي يوجع القلب 😉

تعودت على حركته ذي وصررت مااقوله شي
وانا اكرهه ماعندي الي يطنز بصديقاتي او يجيب طاريهن بشي شين

تخيلو هي تقولي انتي عديمه شخصية تقلدينهن ومادري ايش
وتقلدين بنات عمتي <بنات عمتي ذولي كبار يعني كبره واكبر وفيه وحده اصغر منه بسنه واسمه ندى وهي قريبه لي يعني تفهمن >
هي تنقهر لا طريت بنات عمتي هذولي لانهم صديقاته المقربات
وندى كانت مقربه له بس اختي تركته وراحت مع خواته
يعني مو تركته بالمعنى ماصارت معه بقوة
وبنت عمتي الي كبري وكانت قريبه لي سحبت علي طبعا يوم توفت جدتي
كانو يزورونا عشان جدتي بس سحبت علي بااول متوسط النصف الثاني صارت ماتشكي لي ولا تكلمن ولا تسولف معي لين قلت علقتنا وصارت الحين كـ أبنة عمة لآ أكثر رغم اننا من اولى ابتدائي مع بعض!
بس القدر
المهم اكمل لكم سالفتي الي عجزت لا تخلص 💡
اختي كانت تجرحن بقوة وكنت اسكت ولا ارد
وكانت تتدخل بحياتي وتتطنز بصديقاتي وانا اشتب قهر بس وش اسوي
مع اني احترمه ولله العظيم يعني تخيلو انا بغرفة وهي بغرفة
اذا طلبت من شي اركض اجيبوه له واذا بغت شي اجيبوه له
وهي واذا طلبت منه شي ماتجي الا نادرا
وامي تقهرن بقوة
امي له كم شهر وهي متغيره علي صايره صارمه
قبل كنت اغيب وماتقول لي شي وقبل اشكي له وتسمعن الحين تتطنز بي
وتخيلوو
مره جت من جدتي وهي متضايقه بقوه عاد انا افهم امي مره
ودايما ادري انه متضايقه واترجاه تقولي عشان ترتاح واريحه انا
ورمره تعبت امي وماقدرت تقوم من السرير الله يبعد عنه الامراض وعنكم ان شاءلله
وقمت انا اقوم اخواني للمدرسه وازين غدا لهم رغم اني مااعرف اطبخ بس تعلمت
وكنت ادهنه كل شوي واسولف معه عشان ماتطفش واقوله قصص من النت
وصدق اختي بعد تطبخ الغدا للبوي وتزين القهوه بس قليل تسولف مع امي الا وقت النوم
المهم يوم جت من جدتي وهي متضايقه واترجاه يمه وش فيك؟صار لك شي؟
وتصرخ بوجههي تقولي وخري عن
يوم رحت للغرفتي ثم نزلت بعد دقايق شفته تقول لاختي كل شي
ولله حزت بخاطري بقوة
ودايما تنادي اختي تشاوره وتوريه الي شرته وانا اخر من يعلم
ودايما لا صارت سالفه تروح تقوله لاختي وانا ماكد دخلت علي بغرفتي وقالت لي سالفه
ودايما لازعلت امي على اختي تزعل علي مادري وش دخلي
يالله ماعليه
,
تهاوشنا انا واختي مره واختي تذلن ذل بالميزان
لانه شاريه له ميزان رقمي وانا ازين رجيم واقيس وزني كل جمعه
بس هواشنا مايجلس الا اسبوع او ايام
الا هالمره تهاوشنا بالعطله يوم الاربعاء الي كان يوم السبت اول يوم بالاجازه<عطلة الحج
علشان ايش!؟
علشان الكورين واليابانين
انا احبهم بقوه
ووحده من قريباتي تتطنز بعيونهم وانقهرت انا
قالت اختي حتى هي تتطنز
انا من القهر قلت شايفة شكله قبل
وعصبت هي وامي وقالو حرام لاتتطنزين
ولله ضحكون يعني ليش بس هي من خلق الله؟
قالت اختي انتي ماعندك شخصيه عديمة شخصيه تقلدين صديقاتك<اووهو ياهالصديقات!
وانقهرت انا قلت اليابان من اولى متوسط وانا احبهم<وانا صادقه
وتقولي اسكتي يالقلوده لو يطبن بالنار طبيتي معهن
ولو يقولون لك اسجدي للهالكفار سجدتي لهم ترا بنات عمتي(تقصد بنات عمتي الي بنتهم ندى)يحبون الكورين بس مو نفسك كذا!تراه مو فخر اناس يشرهون عليك
قهرتن بكلمة اسجد لهم لاني مااسجد الا لله بالجيل تنرفزت
وقلت له ااخر همي الناس ! من راقب الناس مات هما
وعصبت هي وقالت خيلك ذوق انتي ماعندك ذوق
قلت له الحياة حياة وحده بعيشة مثل ماابي
وانقهرت من وبدت تتطنز ومن كذا
المهم وحنى بطريق للبيت <كنا طالعين
كنت اصيح بطريق من القهر
يعني جد زرعو فيني اني عديمة ثقه ماكد شجعون على شي
يعني يوم صرت مع صديقات احبهم لازم يفرقونن عنهم ولله يقهرونن ويجبون لي الصياح
المهم يوم رجعنا للبيت دخلت النت الا وساعة 2ونص بالليل يفصل النت علي
توقعته خرب وطنشت الموضوع
بس يوم جت لي صديقتي وندخل كلمة المرور صارت خطاء !
وحتى دخلن بالجوال خطآء!
وجربنا كل شيء وصار خطاء!
هذا دليل انه مغيرة كلمة المرور!!!
والمشكله ماله دخل بالنت يعني مو هي الي تدفع
جن بنات عمتي عندنا الي هن ندى وخواته
المهم نجرب ندخل كلمة المرور بالايباد وصار خطآء!!
وتروح ندى تقول لاختي كم كلمة المرور؟>للعلم كان لي اربعة ايام ماادخل النت
وتقوله نفس كلمة المرور يعني كأنه ماغيرته
ودخلة بنت عمتي ويصير خطاء
ثم جلسنا ربع ساعة نشك بآانفسنا
ثم جت وتاخذ الاي باد وتدخل كلمة المرور ولله ياحنا انصدمنا
وانا السالفة قايلتة لبنت عمتي المهم
صار اسبوعين وانا مادخل النت ابد
وكنت اخطط انا وبنت عمتي
وجتن يوم الثلاثاء وكنت مخططه هوشه معه الاربعاء
وعطتن كلمة المرور وهي تضحك وتقول تممت الي براسي هذا اهم شي
بالحيل قهرتن والي قهرن انه حلفت للبنت عمتي انه ماغيرت كلمة المرور ولله تقهر
وغير كذا اشكي لامي عشان تهاوشه بس امي مطنشه
لو انا بس اخذه منه عطر ومخبيته كان كلهم هاوشوني ,يقهرون

المهم انا قلبت نومي صرت انام بنهار وبالليل اقوم
ولله افضل لي لان الليل طويل واخلص كل شي فيه
وغير كذا اروح للمدرسة مروقه
وجت امي قامت الفجر بنفس اليوم الي عطتن فيه النت
وقالت لي انتي بتبتلين كذا؟
ضحكت وقلت احب الليل وانا من جد احبه
قالت من متى ولا تقلدين صديقاتك لاطبو بنار تطبين معهم
وربي قهروووووون
وقسم بالله ينامن بدري يعني وحده او عشر او ثنتين ونايمات
انقهرت بالحيل قفلت مزاجي
وقلت يالله اروق يمكن مو قصده لانه جد جرحتن
المهم يوم جيت من المدرسه وطلعنا 4 العصر كنت دايخه لاني مانمت شي يذكر
المهم ونزلنا وانا دايخه ومتسدحه
ويوم مشينا كنت ابي من المطعم بس غيرت المطعم الي دايما اكل منه
المهم قالت اختي وحنى للحينن متهاوشات :اذكرك ماتاكلين من هالمطعم؟
وقالت امي”اذكرك تقولين خبزه يابس!
ويبدون يطنزون بي
انا كنت ودي اذوق الوجبة لانهم يقولون احلى من المطعم الي احبه يعني شي طبيعي انك بتجربين هالشي
بس ولله نرفزون وقفلو اخلاقي
ثم قلت :انتم وش دخلكم بشخصيتي الحين؟
وعاد تقوم القيامه ينهبل ابوي علي والخ
المهم نفست عليهم وماعطيتهم وجهه
حتى تخيلو امي زعلت علي والمشكله انا المفروض ازعل مو هي
وهالاسبوع ذا احاول ارضيه واسولف معه وهي تسلك لي ولله قهرتن
وكل مابغيت اصارحه واقوله انه تقهرن اذا قالت لي تقلدين صديقاتك تقولي شي يقهر ثم ماااروح له واصارحه

المهم البيت بكبره قالب علي
قبل امس يوم جيت من المدرسه
جيت مادري وش قلت لامي
ثم طلعت معصبة منه
يوم طلعت بروح للغرفتي
جاء اخوي الي اصغر مني بثلاث سنين قالي “خربنه صديقاته “
وقسم بالله قهرن
يعني حتى هالبزر يقول كذا!؟
وانا اقوله اسكت ولايكثر
وهو يقول”صديقاتك الفاسدات خربنك “
ودخلت غرفتي وانا اصيح من القهر
والي يقهرن زيادة سمعت هالبزر يدعي عليهن يقول الله لايوفقهن ولله قهرن
وامي تشكي عن عند ابوي وحرمن من فلوس الشهر
ولله انقهرت
بس عشاني قلبت نومي
يعني شعليهم من هذا شي يريحن!
والي يقهر ان صديقاتي مالهن دخل
ولله يخلونن اعاند ازياده
واليوم تهاوشت انا واختي
تقههههر بقوة
يعني تتحكم بكل شيئ
معطينه الحريه ,امي يوم اختي تحرمن من النت ماقالت له شي مادري هو خوف على زعله او حب مادري شسالفه، اما اختي يوم تهاوشت معي وقفت معه ولله قهرتن
اليوم هاوشتن للدرجة سحبت شعري
وهي كبيييييييييره ياعالم يعني تستحتي من نفسه
انا عن نفسي مااحب امد ايدي
وليش سحبت شعري عشاني رفعت صوتي عليه
هه ولله تضحك يعني من هي عشان ماارفع صوتي عليه
المهم انا امنيتي ان دموعي مااطيح بسرعه بس للاسف طاحت
وقهرتن بقوة كانت تقولي نفس الكلام
ودايما تعايرن بالكذابه لاني حلفت يوم انا صغيره اني ماسرقت الفلوس وانا والله مااكذب
وتتطنز بعلاقاتي انتي ماكد استمرت علاقاتك يالله السنه الجايه غيري صديقاتك طيب؟
بعذر صديقاتك ان مابغوك مريضه ونفسيه ووقحه
وتقولي بغير كلمة المرور ثم قلت له بدعي عليك لا ررسبتي تراه من دعواتي عليك
وقالت مستجابه وتتطنز علي
ثم قبل لاتغير كلمة المرور قالت ياويلك اذا حملتي او شفتي باليوتيوب ثم تروح تفتح لابتوبي وتسكر صفحات التحميل ولله تقهــر
وماغيرت كلمة المرور
ولا تجدع علي هرج تقول انتي كلن تأذى منك لا مدرسة ولا اهل ولا اقارب
لاني بالمدرسه مشاغبه
وجودك كعدم بالحياة
حتى اخوانك يدعون عليك بالموت
تراهم دايما يقطعون جلدك!

شي يوجع القلب صح!؟
ولله قهرتن بقوة

يوم جت امي من جدتي رحت وانفجرت صياح عنده وقلت له
راحت وقاالت لاحتي
ثم قهرتن اختي حطت نفسه انه هي المظلومه وانا الي سحبت شعره الاولى وهي ولله انه تكذب
وامي كما هي متوقع وقفت معه وانا انقهرت وقلت له “انتي ظالمة شوفي الصح قبل يوم سكر النت علي ماقلتي شي ويوم نتهاوش انا وياه وقفتي معه
وتبداء تهاوشن اختي وتحطن انا المذنبه
وقبل لا تجي امي من جدتي
كان ابوي سمع صراخنا ودخل علي بالغرفة حقتي
وبداء يهزأن انا
قالي وشبكم ؟
قلت يبى بنتك تقهر
المهم قالي انتي ولا كلمه انتي قليلة ادب ماتحترمين احد خليتي امك تطلع من الغرفة
السالفه انه يوم الاربعاء يوم يقولون سالفة المطعم امي زعلت علي وطلعت برا الغرفة نامت عند اختي
وانا توقعته ترجع وكان كل يوم يأنبن ضميري وانا عندي كبرياء اني مااعتذر
بس يعني هي الي طلعت بس عشانه زعلانه

اصلا انا خلاص تبت اني اشكي لامي شي او اقول لاختي شي
خلاص ماراح افضفض لاحد
راح اكتم كل شي بقلبي
وانا بعد تغيرت قبل كنت انزل المغرب واتقهوى مع اهلي الحين ماانزل
ولله ارتاح نفسيا لا طنازة ولا تقفيل مزاج
صراحه اهلي قاهرينن
الكل واقف ضدي
الا بنت عمتي ندى لاني اشكي له وتفهمن

صراحه ينرفزون مافيه احد يحترم رايي
وحتى ذوقي مايحترمونه
بك شي يطنزون فيني
مايشجعونن
وحظي مو حلو
يعني تخيلو دايما بالمدرسه لا استهبلت مع صديقاتي
انا الي اهاوش واهزاء من بينهن
ومااحس وجودي مهم ابدآ،،,~

كنت ابي امي تنام اليوم وهي تفكر بصح
بس ماظنتي لاني اشوفة تسولف مع اختي وتضحك

يالله الحمدلله على كل حأل فآأنا افضل من مليون شخص!

ياليت تعطونن نصايح واراء وتشوفون مين الخطاء عليه
ولله ضايق صدري

واسفه على الاطاله