عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته ..
اسعد الله اوقاتكم أخواتي وحبيباتي في منتدى فراشه ..
لا اله الا الله ..
انا عندي مشكله مادري من وين ابداء قسم بالله متضايقه من نفسي مدري وش اسوي .. يارب فرجك
انا متزوجة لي اربع اشهر .. بس والله ما احس اني زي البنات مبسوطه كاره حياتي
واكره زوجي عجزت احبه … لا تقولين تتعودين مادري احس فيني شي بس مادري وشو ..
الحين انا حامل اقسم لكم والله اني اكره حتى صوته لا تقولون هذا وحام وعشان كذا تكرهينه ..
انا من اخذته من اول يوم وانا عجزت اهضمه ..
شهر العسل ثلاث ايام وقلت له ارجع فيني خلاص وهو عادي عنده لاني والله عجزت اتحمل
واذا صرت في بيتي قسم بالله اتمنى مايرجع عشان ما اتكلم معه ..
واذا جاء اتحجج في اى حجه اغسل ادور لي اى شي يلهيني عنه عشان ما اجلس عه ..
حتى الاكل اسوي اكله واخليه لحاله ..
هو طفش من هالحاله .. قالي انتي فيك شي ليه ما تجلسين معي ولا انتي زي الحريم تسولفين معي .. قلت له ماعندي سواليف .. حتى محب ادلعه استقرف نفسي واستحقرها لا دلعته فصرت اناديه عادي ومن دون نفس ..
مادري يمكن فارق السن له دور او لانه ما كمل تعليمه عشان كذا ماحب اتكلم معه .. والله اني تعبااانه من حالتي تعبت وطفشت ..
حتى اهلي اذا سالوني شخبار زوجك اتضايق محب احد يسالني عنه مآآحبه
مع انه حنون مافيه شي بس فيه شي يكرهني فيه ..
هو الحين مسافر وانا في بيت اهلي بس والله كل ما افكر انه بيرجع اتضااايق واذا اتصل احس اني مخنوقه واتمنى مايكلمني ..
ساعدوني … واذا ماتقدرون ادعوا ان الله يفرج على قسم بالله اني دايم متضايقه ون ضحكت اضحك مو من قلب بس كذا امشي الحال ..
محب ابين لاحد اني متضايقه بس يبان على وكلن حاس فيني مو مبسووطه ..
يارب يارحيم فرجك …
اللهم فرج همي وسهل اموري .. يارب فرج ضيقتي وابعد عني كل حسد ..
اللهم اشرح لي صدري ويسر لي امري .. آآمين .. آآمين ..آآمين …
