متزوجة ولكن نصيحة لكم يابنات الفراشة

حياكم الله يابنات منتدى الفراشة الحلوات

اعتبر نفسي ملقوفة وداخله منتدى للبنات والمفروض انا متزوجه وما ادخله

بس والله حبيت اقولكم شي من واقع خبرتي السابقة (قبل لا أتزوج ) لعل وعسى تفيدكم

انا الاحظ الكثير من البنات (وليس الجميع طبعا انا اتكلم عن الحياة وليس بنات المنتدى ) ميتين ويتزوجون

على اساس انه حياتها بتتغير وبتصير للأحسن وبتلقى واحد

يحبها ويشاركها الحياة المخملية اللي راح تعيشها

انا ما احطم احلامكم ما تدرين بكرة وش مخبي لك يمكن الله يرزقك بهذا الزوج

بس لا تتوقعين ان الزواج راحه

الزواج مسؤولية ومسؤولية كبيره ربي يعني ويعين كل بنت بتتزوج او متزوجه عليها

وانتي الحين جالسه تستنين ( عريس الغفله اللي تبين تضربينه علشان يجي) بس نسيتي شي مهم

مهم جدا جدا جدا

نسيتي تعيشين

ايه نسيتي تستمتعين بكل لحظة بحياتك لان الوقت هذا احلى وقت تعيشه البنت

لا تستغربون يمكن في بنات يحسون انهم محرومين من هذا وهذا وكل بنت وحسب تقاليد

عائلتها بس ليش انتي تناظرين الجزء الفارغ من الكاس

شوفي الايجابيات لما اهلك يمنعونك من شي قبل لا تفكرين بنفسك حطي نفسك مكانهم

وشوفي هل هم منعوك نذاله منهم ولا حرص زايد منهم عليك

هل منعوك الا من كثر مايحبونك ولاحظي فارق العمر .. هم تفكيرهم راح يكون مختلف عنك

الحين انتي وصديقتك نفس التفكير؟؟

لازم تدورين لهم العذر وتبحثين عن سعادتك لو بشي بسيط

روحي العبي بالحوش ونططي فوق راس امك استهبال ( لا تقولين والله وش كبري عيب )

يبنات عيييششششششششششوا وبنفس الوقت لا تنسون رضى ربي عز وجل

وذكر الله عز وجل في القرآن الكريم ( خلق الانسان في كبد)

يعني عمر الحياة ماراح تكون صافية وكلها هنا وسعادة

واذا شفتي وحده سعيده ومبسوطة وكل شي عندها صدقيني والله الذي لا اله الا هو بتلقين بداخلها

اشياء ما يعلمها الا الله بس الفرق بينك وبينها انها تمشي ّ الدنيا وتطنش

صيري مثلها ونطننننننننننننشي

وربي يسعدكن ويهديكن ويغفر لي ولكن ويرزقكن بالازواج الصالحين يااااااارب