عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلامعليكم بنات ..
كيفكم؟ يارب إنكم كلكم بخير
اليوم حبيت افتح موضوع كلنا متساهلين فيه , ولا أستثني نفسي يمكن أنا أكثر وحده أسويه وأنااللي انصح
موضوعي عن الغيبه , عارفه الموضوع مكرر وكثير ناس تكلموا وفيه وإنه كبائر .. الخ
تدرون قبل كنت عارفه إني لما احش إنه شي حرام بس لما أخلص أقول يؤ أستغفر الله بس يلا الله غفور رحيم ,
بقولكم شي يمكن كلنا عارفينه بس نسيناه أو تناسيناه بالأصح , عارفين ان الواحد يوم القيامه ربي مايغفر له الغيبه اللي اغتابها إلا لين تتسامحين من هذا الشخص أو انك تذكرينه بالخير بنفس المجلس اللي اغتبتيه فيه
يعني تخيلي يوم القيامه وقدام الناس كلها وانتي تقولين لفلانه سامحيني عشاني حشيتك بمكياجك ماكان حلو ذاك اليوم :s
والله لما نفكر إحنا بإيش نغتاب والله اشياء تافهه مره ! يعني | مكياجها يَع , شنطتها مو حلوه , مشيتهامدري كيف , لبسهامره قروي
طيب إنتي حشيتي وخلصتي إيش استفدتي الحين ؟ تعدلت هي ؟ استفدتي شي ؟
ولابس تسليه وتقضيه وقت ولا كان فيه سالفه الا فلانه ,
عارفين يوم القيامه لما تُعرض عليك أعمالك بتشوفين أعمال كثييير غريبه
” كذب – شهاده زور – لواط – سحاق – سرقه – عقوق والدين – ترك الصلاه, الخ الخ“
إنتي بتقولين يالله من وين لي هذي الاشياء ؟ انا اصلي وأصوم وازكي واقرا قران
كيف تطلع لي ؟ , هذي كلها من أعمال الناس اللي انتي حشيتي فيهم
شفتي كيف ؟ هم أذنبوا وذنوب كبيره بس اخذتيها انتي بقدر ماغتبتيهم بشي مايحبونه , هم ايش صار عندهم ؟ حسناتك , واخذتي سيئاتهم , وذاك اليوم تتمنين استغفار واحد عشان تثقل كفه الحسنات عندك وإنتي مسويه كل هذا !
المشكله إن اغلب اللي نغتابهم اذا مو كلهم ناس مانحبهم , غالبا بكل عزيمه نشوفهم ندورالزله عشان نقول أيوه شوفي لبسها مره قديم,
يعني تخيلي احد ماتحبينه كمان وتاخذين سيئاته وياخذ حسناتك !
طيب إيش الواجب علي لما أشوف احد يغتاب ؟
أول شي أنصحه , لو مافاد أطلع من مجلسه وهذا يدخل بتغيير المنكر
