عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيفكم يا فراشات
البارحة كلمني خطيبي و اتكلمنا كتير , و بعدين قال لي أنا محروم حتى من قبلة مو راضية ترحميني بوحدة , فقلتلو ” غير الموضوع ” و بعدها الخط انقطع لوحدو , و اتصل مرة تانية و قالي ” مشان شي بسيط زي قبلة قفلتي الخط ؟ ” فقلتلو لا هو انقطع لوحدو و حلفتلو بهيك بس قلت لازم نغير الموضوع , المهم اتكلمنا شوي و ودعنا بعض و قفلنا الخط
في الصبح كلمني و قال لي أنو أنا عجبتو كتير كتير و كان مبسوط مني مشان موضوع القبلة و قطع الاتصال
الظاهر شكلو بيحب البنت الثقيلة , بس أنا على طول بقلو اني بحبو و بشتاقلو يعني مافي ثقل مني إلا في المواضيع الممنوعة زي القبلة و هاي الأشياء
أنا ما بتكلم في المواضيع الممنوعة بس بحب أقول لخطيبي أنو حبيبي و اني بحبو و بشتاقلو و هيك , بس خايفة أنو بيحب البنت اللي بتثقل في هيك حكي كمان
بس أنا ساعات بكون زعلانة منو و بكلمو ببرود و حتى بحبك ما بقولها و هو يزعل كتييير كتييير و يقول ” اذا ما بدك ياني قوليلي و أنا انسحب من حياتك “
أنا ما بعرف كيف أتصرف معاه , و خصوصا أني متعودة أقولو كلام حلو مثل بحبك , و خايفة يقول أني مو ثقيلة , و شي ثاني أني صراحة بحب أدلعو بحبيبي و بحبك و من هالحكي , يعني بيبسطني لما أقولو هيك
أتمنى نصيحة منكم يا فراشات كيف أتعامل معاه
