عالم البنات النسائي كل ما يخص المرأة العربية من ازياء وجمال والحياة الزوجية والمطبخ
الفراشات الغاليات
اليوم انا عاملة لكم
مافن بالشيكولاتة
سريع جدا
سهل جدا
مظبوط جدا
ولذيذ جدا
اتمنى تجربوه ويعجبكم
المقادير
اولا المقادير الجافة
1و 3/4 كوب دقيق
ملعقة كبيرة بيكنج بودر
ملعقة صغيرة بيكربونات الصودا
فانليا
رشة ملح
1 كوب سكر
3 ملاعق كبيرة كاكاو غير محلى
ملعقة نسكافيه
كمية من الشيكولت شيبس
ثانيا المقادير السائلة
1 بيضة
100 مل زيت
250 مل حليب
للتزين
قطعة من الشيكولاتة الخام او الشوكلت شيبس
شيكولاتة فورماسيل
كريم شانتيه
ممكن كمان تستخدمي شكولاتة بيضاء
شكولاتة ام ان امز
الطريقة
ننخل المقادير الجافة
(الدقيق والبيكنج بودر وبيكربونات الصودا والكاكاو)
نضيف عليهم السكر والملح والشوكلت شبس ونقلبهم
ونوع الشوكلت شبيس اللي استخدمته باين في الصورة
ومهم نخلط الشوكلت شبس مع الدقيق عشان مايسقطش في الكيكة لتحت
نخلط المقادير السائلة على بعض ونضربها بسيط بمضرب سلك يدوي عادي
ونضيف عليها النسكافيه
نخلط المقادير السائلة على الجافة ونقلبهم كويس بالمضرب
بجيب صينية المافن ونرص فيها ورق البليسيه وبالمعلقة نحط شوية في كل واحد بس نملى النص بس عشان بتنفش
ندخلها الفرن على درجة حرارة 180 ونسيبها من 20 الى 30 دقيقة
مرحلة التزيين
نسيح الشيكولاتة في حمام بخار
ممكن تتضيفي كريمة سايلة او زبدة بس انا بعملها شكولاتة بس
ناخد قطعة مافن نغطسها في الشكولاتة
وبعدين نغطسها في طبق في الشكولاتة الفورماسيل
وساعات بحط عليها شكولاتة ام اند امز الملونة بيكون كمان شكلها حلو اوي
او احط علها كريم شانتيه وفواكه مجففة زي الصورة
او اي تزيين تحبيه
وده شكلها النهائي
وبالهنا والشفا ويارب تعجبكم
ممكن تعملي صوص الشيكولاتة في البيت لو معندكيش شيكولاتة خام او شوكليت شيبس
معلقتين زبدة + 3 ملاعق كاكاو + 3 ملاعق سكر + 3 ملاعق حليب + ملعقة صغيرة نسكافيه
تخلطيهم على بعض وتحطيهم على نار هادية لحد ما تتطبخ الشوكولاتة
