ماركات المكياج في سنتر بوينت

لي فتره وانا افتش بالنت عن ماركات مكياج كويسه وسعرها مناسب والبنات في المنتديات الله يجزاهم خير
ماقصروا معايا ودلوني على سنتر بوينت والماركات اللي فيه وفعلا امس رحت
سنتر بوينت – الاندلس مول جده – اول مره فحياتي اروحله عشان المكياج
كنت فرحانه مرا >>> اول مرا تشتري ميك اب
المهم اني رحت وياليتني مااااااارحت البياعين اللي هناك بهذلوني بشكل ماتتصوروه
يتضاربون علي كل واحد يبغاني اشتري من عنده حق برجوا يتضارب مع حق ماكس فاكتور و
ماكس يتضارب مع نيكس وووو الخ وانا لإني اول مرا اشتري ميك اب باين علي اني
هبله وكل واحد يقولي الزين عندي ، صدعوا رأسي بمهاوشاتهم
وحيروني كمان وكل واحد يناديني ويسب
بالثاني من وراه وانا ضايعه وسطهم وربي كأني فحراج اسلوب بعيييد عن الرقي
بشكل ماتتخيلوه !! يعني مهما حكيت ووصفت مرح اوفيهم حقهم بسوء تعاملهم مع الزبون وكيف يتضاربوا
على الزبون لدرجة انهم يهينوا فبعض ويفضحوا بعض وكل واحد يقولي ترا الثاني يضحك عليك اهانوني بصراحه المهم اني قضيت من عندهم وتحديدا برجوا ونيكس وماكس فاكتور ونيفيا ومليت كيسين لكن بسبة البياعين ومشاكلهم وتفضيحهم ببعض وضحكهم عليا
لعبوا براسي ابدل بعض الاشياء اللي اشتريتها من برجوا بأشياء من نيفيا ورحت بدلت وياريتني
مابدلت لاني وقت التبديل ضيعت كيس مليااااااان مكياج
شاريته من عندهم والفاتوره داخل الكيس
وماانتبهت الا بعد ماطلعت من المحل لكن المحل كان على وشك انه يسكر بس لحقته ولقيت بس
موظفين الامن واللي من اليوم يتهاوشون – البياعين – مو موجودين رااااحو ،
موظفين الامن فتشوا لي على الكيس وماحصلوه واخدوا رقم اخويا وقالوا لي لما يجوا البياعين بكرا
نسألهم عن الكيس ونردلك خبر .. وللحين مااتصلوا وشكلهم ماحيتصلون ..
مااقول غييير الله لايسامحهم قسم بالله تصرفاتهم بعييييييده عن الامانه في تعاملهم مع الزبون
وحتى في تعاملهم مع بعض – اقصد البياعين – ..

عشان كدا قررت اشتري مكياج من اول وجديد لكني محتاره مرا لان ميزانيتي قليله شوي بعد ماطارت
فلوسي على الفاضي عندهم >>> الله يعوضني خير يارب
فأبغاكم تدلوني على ماركات رخيصه وكويسه وانا بصراحه نفسي بماكس فاكتور ونيكس
احسها كويسه واسعارها ناسبتني بس البياعين الله لايسامحهم خربوا علي فرحتي ..

المهم وين احصل ماركة ماكس فاكتور ونيكس بجده غيييييير سنتر بوينت ؟ بس اهم شيءء تكون
اصليه ..
واذا تعرفون فرع لسنتر بوينت بجده تعامل بياعين المكياج فيه راااااقي دلوني عليه .. مع ان اقرب فرع
ليه الي في الاندلس مول بس تعامل البياعين فيه سد نفسي وكرهني بالمكياج