عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم فراشات
ساعدوني في هالمشكلة ولو بدعوة منكم
والله قلبي يعورني احس بحزن جاثم على صدري
عندي اخو مطلع لنا الشيب مستهتر الى ابعد حدود
المفروض يكون بالجامعه ومازال في ثانوي
دفع ابوي دم قلبه علشان يخليه ينجح
افخم واغلى مدرسة اهليه دخله
جوال ولاب توب وفلوس بالهبل يعطيه
وفتح له حساب في البنك
كل هذا علشان ينجح ويطلع من ثانوي ومافيه فايده
عاقبه وهدده وبعد مافيه فايده
هو الوحيد من اخواني الي يتهاوش ويصارخ ويضرب
والبقيه الحمد لله عاقلين
مرة غاب من المدرسة وابوي عصب وهدده ان مايطلع من البيت
قام يصارخ وابوي عطاه كف
والله العظيم اول مرة اشوف ابوي يمد يده على احد
حتى اخواني الصغار مايضربهم
مسكين من حر مافيه
اخوي مسك يد ابوي
وصار بينهم زي المناوشات
كنت موجوده وربي زعقت ذاك الصراخ الااهلي كلهم طلعوا غرفهم خافوا ان صار شي
جاء اخوي الكبير يركض ووجهه مخطوف
من الصدمه وخفت ان ابوي يصير له شي طحت على الارض من الخوف مااني قادرة اتحرك
ابوي يناظر فيني مفجوع وخايف واختي تسمي عليهم وماسكتني
وامي تصارخ وتبكي
مااني قادرة انسى الموقف
استغفر الله وربي احس احيانا ان اخوي عقاب من الله لنا
الله يخليكم عطوني نصايحكم كيف نتصرف معه
وربي امي تبكي على حاله
وابوي جاء له القولون العصبي
والبيت متكهرب بسببه
