:: مأساة تاجرة ::-مهم لجميع التاجرات

فراشات ..كل عام وانتم بخير

طبعا ً هالموضوع حبيت اطرحه كنوع من الترويح عما في النفس
وللاستفادة من الاخطاء الواردة

نحن هنا كتاجرات نواجه بعض المواقف اللي احيانا تخلينا ((نطرطع))
وكثيرا مانعاني من بعض الأمور اللي تصير من بعض الاخوات المشتريات.
كما هو الحال للزبونات احيانا يوقعون مع تاجرات لعابات

لكن انا هنا كتاجرة اتكلم والكلام موجه لفئة معينة مو كل الزبونات مثل بعض.

أتمنى من كل تاجرة تضع لنا وش اكثر شي يستفزها من بعض الزبونات وشنو المواقف اللي بتسبب لها الحرج بسببهم واتمنى من الزبونات يمروا على الموضوع ويقرأوه ويعرفوا مدى الضرر اللي بيسببوه في بعض الاحيان

ابتدي أنا

يمكن لاحظتم في الفترة الاخيرة اني تركت المنتدى والسبب ان بعض الاخوات يتصلوا فيني في اوقات غير مناسبة خارج الاوقات اللي انا حددتها وحتى لما اطنش الاتصال لانه مو وقتي تعيد الاتصال مرة واثنين وعشر وماتكل ولا تمل وبعد قوية عين ترسل لي مسج ردي ابيك ضروري وتكرر هالموقف اكثر من مرة وعصبوا اهلي وزعلوا من هالموضوع فقررت اني ابعد عن المشاكل اضافة الى الرجال اللي يتصلون -حسبي الله ونعم الوكيل- والحين مع هالشهر قررت ارجع وبمجرد ماطرحت الموضوع وحددت مواعيد الاتصال وطلبت من الكل يحترمها الا انه مافي فايدة يعني الشهر بادي امس توه اللي تتصل فيني الساعة 2 ص واللي تتصل ساعة 8ص واللي متصلة الساعة 2 ظهر
يعني انا اتكلم عررررربي وكاتبة الاتصال من 7 بعد المغرب الى الساعة 12 ص
بالله وش رايكم؟؟
لو بينتي للزبونة انك زعلانة لانها مااحترمت مواعيدك تجي هنا وتقول فلانة اخلاقها زفت وفلانة تعاملها زفت
طيب ليه يامدام زبونة ماتشوفي نفسك انا تاجرة لي اهلي وعيلتي مو معناها اني اشتغل عندك متى مااتصلتي ارد عليك

طبعا هذا فيظ من غيظ والباقي الشكوى على الله

والله العظيم شي يرفع الضغط ويقصر العمر

اتمنى من هالنوعية تحترم نفسها ولاتجبرونا نغلط على بعض ونزعل من بعض في شهر فضيل مايجينا الا بالسنة مرة

خلووووونا نصووووووم

انتظرونا قريبا مع مأساة زبونة