لَبّيَهْ يَاللّيّ وَحَدْكَ لَوْقَلَتْ لَبّيَهْ…..~«

الصوت ““لبيه ياللي وحدك ان قلت لبيه ” هي أول تجربه لي أو بالمعنى الادق هي أول خربشه روائيه

لي على صفحات. هذه الشاشه الصغيره .. دفنت بقراءتي وقيدتها في دفتري ذاك هكذا تعودت دوما

ولكنني وللوهله الأولئ قررت ان أنثر هذه الأحاسيس وتلك المشاعر وذلك التيار المندفع بقوة ..اليكم ..

عزيزي القارئ. لبيه ياللي وحدك ان قلت لبيه يذبحني لبيهك. لولا دعم واصرار من شخص عزيز على

قلبي لما كانت الان تتألق بين أيديكم هذه الروايه هي اهداء مني الى صديقتي الغاليه ” احلى

هاجريه” التي عاشت تفاصيل الروايه معي وعاشت الحالات معي بتفاصيلها الدقيقه. وهي بالفعل من

الناس الذين أكن لهم كل الحب والمحبه ، لبيه ياللي وحدك ان قلت لبيه هي حصيله مجهود وتعب وسهر

ومحبه وهي عربون محبه مني الى هدي الانسانه واذا تعمقنا في تفاصيل لبيه ياللي وحدك ان قلت لبيه

فسنرى انها مشاعر واحاسيس وقصه حب مختلفه وأوضاع غريبه وطقوس أغرب ولكنها جمعت بين

الحب والنفاق والتضحيه وكل ذلك سيوضحه لنا أبطال روايتي أو شخصيات روايتي المتواضعه التي بين

يديكم الان ولنرى التنقلات المختلفه فيها وانتظر ردودكم المميزة ونقدكم البناء عليها أعزائي القراء ~

وذلك ما سيحفزني على اكمال روايتي هذه ولنبدأ بالجزء الأول “فخامة لا تعلوها فخامه ورقي لا يعلوه

رقي ” تحس عمرك انك داخل قصر من الطابع الاسباني كل شيء بهالبيت غاوي وغير الصراحه العز

اللي هم فيه انحسدوا عليه واإيد بس بعد اللي يعرف أهل هالبيت يعرف شكثر هم متواضعين واللي

بيدهم هب لهم وأعمر البيزات والتجارة ما غيرت من نفسياتهم ألطيبه والتواضع والذوق وحدة من

ميزات أصحاب هذا البيت لو تميت ارمس من اليوم لين سنه جدام هب موفيه فوصف أصحاب هذا البيت

وعسب جيه شرأيكم نتعرف عليهم.

بو سالم : ريال. طيب. وما عليه زود وينشد الظهر فيه ويخاف الله وهب مقصر على عياله وحرمته

موليه ولو يطلبون عيونه. ما يبخلبها عليهم و يشتغل بالتجارة والعقارات والصراإحه محد ما يعرفه

فالبلاد تجارته واإسعه والكل يدريبها. وعقلاني وشديد واإيد إلا إذا كان الموضوع يخص عياله تلاقيه

يلين وينسئ شدته ومدلعنهم كلهم الصررااحه وعمره 59 سنه ». هب شيبه واإيد. خخخخخخ.

أم سالم : حرمه والنعم فيها كفو والصراحه ما عليها زود فناإاإنه أمره تنحط عالجرح يبرى والصراإحه

تموت على عيالها. وتعز عيالها كلهم بدون استثناء بس نهووي « اخر العنقود معزتها غيررر فقلبها

بس عمرها ما بينتلها هالشي عشان ما تتميز عن اخوانها وعمر أم سالم. سنه48 وتعز عيالها وتحبهم

حب هب طبيعي أكييييد هب أمهم »» خخخ وما شاء الله أم سالم جميله وتينن ما عليها قاصر من

هالناحيه. وتقدر تشوف هالجمال نفسه كوبي بيست فنهوووي واللي يشوف أم سالم يعطيها 28 سنه

هب.48 سنه يمكن تقولون أبالغ بس أم سالم شكلها واإايد حلو وتينن .

سالم ( إلولد العود فالعايله ) : اخو نهووي الكبير أول فرحة للبيت معرس وعنده عيال. ويحب حرمته

واإاإاإااإايد وهيه بنت عمه عبدلله” شمسه ” وعنده ? أولاد وبنتين ويحب اخواإاإنه كلهم ويمووت

عليهم ويشتغل ؤيا أبوه فشركته ومأسك منصب نائب مدير عام لشركات …} وعمره 27 سنه وعنده ولا

دمعه نهووي اخته نهوووي بنته هب اخته نهووي

احمد : تقدر تسميه حموود مشاكل اخووو طيب ويعطي جووو فالبيت محد ينكره وعمره 23 سنه معرس

وعنده بنت وحدة ويحب حرمته واإاإايد هند ويغليها واإايد الصراحه وليش هالتسميه لأنه مشاكله مع

نهوووي ما تخلص يمووووت عليها ولو تامر على عيونه ما يبخلبهم عليها بس المشاكل والضرابه

وياها متعة لا تضاهيها متعه لدرجه انه لو كان عنده وقت فراغ يقعد يدور عليها فالقصر عسب يسوي

أي مشكله .

نهى : أو تقدر تقول نهووي نهووي بنت اماراتيه أو تقدر تقوول طفله اماراتيه تينن حيييييييل وجمالها

جمال بدوي الصراحه. هب طويله ولا قصيره طولها يجنن وشعرها بني غامج حيييييل ويبين أسود بس

فالشمس تبين اللمعه فيه وقاصتنه اخر مرة لين كتفها ومأشاء الله شعرررها حرير مثل شعر اليهال

وهيه خريش وحركات وضحك وفرفشه و تموووت على خووووها سالم وتستمتع أحيانا

بالضرابه ؤيا احمدد وعمرها 19 سنه بدشهم بعد كم شهر وهيه سنه أولئ جامعه واذا بنتكلم عن

صفاتها فهي طيبه حيييييييل وبريئه حيييل ونظراتها عذاإاإب الصراإاحه اتطيح أي شاب بدون ما تقصد

الصراإحه وتيينن الصراإحه وجسمها مخصرر بطريقه واإايد حلوه وذكيه بشكل ملحووظ بس لو تهدي

اللعب ؤيا احمد كل شيء يضبط وياها أو بمعنئ أصح لو احمد يخف من اللعب شوي جان كل شيء ضبط

خخخخخخ

ريم : اخت نهوووي العوده وتحب نهووووي واإيد وعمرها 24 سنه بينها وبين احمد سنه وتمووت

فنهوووي وتحفظ أسرارها ولعبهم وسؤالفهم كلها ؤيا بعض محيرة حق ولد عمها عبدلله سالم بس بعده

ما تم شيء رسمي ليش وكيف كله بنعرفه بعددين ومواإصفاتها طويله شوي واسمر عن نهووي شوي

وحليوووه بس نهوووي حلاها غيرر واللي يميز ريم عن نهوووي ويحليها انه ابتسامتها عذاإاإاإاب

وتيننن بس نهوووووي غييييير وطررررر غيير ريم مخلصه دراستها ومتخرجه من كليه الحقوق

بجيدجدا مرتفع ما شاء الله عليها وقاعده حاليا بالبيت بتريح سنه وعقب بتفكرر فمووضووع الشغل

وواإاإيد قريبه من احمد اخووووها وأسرارهم ؤيا بعض وتحتررم وتعز اخووها سالم واإايد

وهذا هو بيت أبو سالم » والباقي فالدرب ان شاء الله »