عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته..
خواتي والله اول ما عرفت قلت لازم اخبركم ونساعد بعض لوجه الله وسبحان وتعالى طالبه رضاه وتوفيق منه..
انتو تدرون ان انا عندي ولد ماشاء الله عمره 3سنوات وشهرين ربي يحفظه لنا ان شاء الله
امس سلمت على وحده من اهلي ماشاء الله كبيره فالسن ..ف قالتلي يا (فراشة) ما حملتي عقب هالولد؟
قلتله لا امبله حملت بس طاح عني..
قالت شو السبب ؟
قلتلها مافي سبب بس ياني نزيف..
قالت هااااا عيل شكله الولد طالعتله شعره اعتقد فظهره وهذا لي ما يخلي يستوي حد وراه… يباله مساح وبعدين نعرف كم ضلع وماعرف شو واخر شي يوسمونه..عاد انا اول ما قالت يوسمونه صراحه خفت عليه..بس قالولي ما يعور احسن لج سوي عشان بأذن الله تحملين وتيبين له اخوان وخوات وتره الشعره هاذي اذا كانت عنده فتسوي مشاكل حتى بينج وبين زوجج فلازم تتوسم..فيا (فراشه) هاش شغلة الاولين (حريم كبار) وانتي ماتعرفينها ..وانا وسمت عيال وايدين وماشاء الله امهاتهم حملو عقبها الحمدالله..
واذا انتي حابه تيبينه ..فهاتيه يوم الاربعا قبل ساعه 12 الظهر لان بعد ساعه 12 ماتبان..وانا بصراحه انااول ما سمعت المعلومه سالت عنها واكدولي على المعلومه ف والله حبيبت افيدكم فيها ..يعني اللي عندها حرمه كبيره فالسن تسالها وتودي ولدها عشان يتوسم اذا ربيت بالاول او الثاني او الثالث او حتى الرابع بس عقبها طولت
وما حملت فتجرب هالشي بعد…
وانا ان شاء الله بشاور ريلي وعقب افكر اودي عندها بس قلبي متخوف من الوسمه ..والله الله يعين….
بس ابحثو فالموضوع هذا مش فالنت عند حريم كبار
ودعواتكم وان شاء الله اجربها وابشركم بفضل الله بس ادعو ريلي يقتنع
