ليه كده؟

بنات النيل انا وحده منكم لكن مغتربه اعيش في المملكه العربيه السعوديه عايزه انقل شعوري لكل بنت مصريه في بلدها او بعيد عنها لما قرب سفري لمصر بقيت هاموت من الخوف بعدما كت بحلم اني اروح القاهره واقعد وسط اهلي وناسي واقضي الاجازه في بلدي وامشي عالبحر واستنى من السنه للسنه عشان اسافر واستمتع بجو مصر خوف غريب جواي بعد ماقلنا البلد هديت واحوالها بتتصلح اتضح حاجه تانيه غير كده خالص انا نفسي افهم لحد امتى كنا بنعيش في امن وامان حتى لو كان تحت ظل حاكم فاسد دلوقت الحكم بقا في ايد الناس والناس هيا اللي بتدمر البلد يعني لو اي حد اخد باله من اللي بيحصل واللي بينقله الاعلام العربي والمصري كل يوم والله يحرم انه يروح تاني انا عايزه حد عايش في القاهره ينقلي الصوره بجد الصوره الحقيقيه للبلد هل في امن اقدر امشي لوحدي ولااقعد في البيت احسن ولا اخد سلاح معايا وانا نازله عشان للو حد اتعرضلي ابقا جاهزه ولا بلاها خروج وفسح ونقضيها بيت وخلاص بدل مانتبهدل والله انا ماكنت عايزه اسافر لكن امي عايزه تشوفني وتشوف الولاد وانا اقتنعت بعدما قلت ان وزني زاد اوي لما بروح هناك بخس ومنها اغير جو مع اني مش من الناس اللي كل يوم خروج وسهر لا احنا ناس محافظين وخروجاتنا عاديه خالص بس اللي بشوفه بقا يخوفني اني اطلع حتى من البيت ها ايه رايكم وان كان عليا ممكن ماسافرش بس جوزي مصر هو واهلي الله يهديهم