ليش كذا يا.. دب!! بنات تعالوا علموني شسوي!!

بنات جايتكم وخاطري مرره ضايق ومكسسسسور

اليوم تهاوشت مع خطيبي الدب هوشه جامده

ووريته العين الحمرا 😆 🙂
وهو الغلطان لشوشته

معليش يمكن يطلع كلامي فوق تحت بس تحملوني والله اني أدش دش من القهر اللي بقلبي:D 😈

بنات انا أكابر انه ماهمني شي
لكن حسيته خلاص انصدم مني
مع انه متعود علي نعومه مره ودلوعه

رفعت صوتي عليه وهو دايم يقول اخترتك نعومه عشان مااحب الصوت العالي<<مالت عليه قال يختار قال !! كنه لاقيني بالبقاله

وتهاوشت معه 😳
لانه كل ماصار شي بيننا يشتكيني على امي ويدخلها أحسه يتفاهم مع امي أكثر مني 😎 كني بزر

وامي مسكينه تنقهر ع الفاضي

عاد هو ماقال لي شي وقفل الخط

وراح قال لأمي

بنتك قالت وسوت وسوت

وامي جات مقهوره تهاوشني

وقالت : هو يقول: <<من جد قوي عين طقني وبكى سبقني واشتكى

هي ليش تسوي كذا أنا ماسويتلها شي بالعكس اجيب واجيب وادلع<<يتمنن بالهدايا اللي يجيبهم لي كل شوي ع باله ماشفت خير 😛

ويقول : أنا ألف بنت تتمناني <<من زين خشته اللي تشبه هالفيس

وأنا وأنا .. كأنه يتمنن علي انه تزوجني المعفن

هالحين هو مايقدر النعمه اللي هو عايش فيها
المفروض يحمد ربه مليون مرره يوم خذني
والله يابنات اني حبوبه وحليوه ونعومه وحلوة مرره

بنات انا اعتررف ان مشكلتي اني ماحبيته للحين

تخيلوا يبيني احبه واموت عليه واتغزل فيه وانا بنت خجوله استحي
انا مااجحد انه يدلعني حبتين بس احيانا يقرفني مرره
زي يجي يقولي يوم يكلمني:
عطيني بوسه وو نفسي احضنك وووو……..الباقي مشفر
عاد يوم يقول هالكلام دوروني ماتلقوني !!

بنات أنا ماابغاه يتكلم معي بهالطريقه احس اشمئز منه
وماأحبه
وأجبر نفسي عليه

وأحس هذا كله يتراكم بنفسي
تخيلوا لهذا السبب أقعد أيام ماأرد عليه
عشان ماأقرف

فهو فسرها اني أنا مجبوره عليه
أنا ماني مجبوره ابدا بالعكس ابي اتزوج وأنستر زي البنات
بس أسلوبه مدري كيف!!

أنا ماأبي أكلمه وهو يبي يكلمني كل يوم كل يوم

هذا موجز عن وضعي معه:D

أنا اليوم انفجرت عليه وعطيته اشين ماعندي

وخايفه انه يطلقني
أشتكاني على أمي..وزعل مني أول مره يزعل مني لهالدرجه

أنا مررره خايفه مدري شسوي

لاتقولون اعتذري لا

هذا يبي يفرض نفسه علي من الحين

ياحلو الحياة لاجت تفاهم مو زي كذا

مرره مقهوره وقرفانه

بنات تهقون يسويها ويتركني
أنا ماأبي كذا

أبي يتعدل أسلوبه معي بس ومدري شسوي

يارررررررب
مايدخل الشيطان بيننا ماأبي الطلاق..

أدعولي يابنات

مررره متنكده..