ليش كذا يابنت خالي ؟؟؟!!!!

مسائكم ورد

يا أخواتي حابه انقل لكم مشكلة اختي وأتمنى تفيدوني أنا وأختي وبنت خالي معرووووووووف من ايام طفولتنا وحنا سوا باختصار الكل يسمينا الثلاثي المرح ضحك وهبال ووناسة وانووووواع الاريحيه بيننا يعني الرسميات مآآآآآآآآآره ماهي منا ولا حنا منها لدرجه والله اننا نلفت اللي حوالينا بضحكاتنا وجمعتنا ……..

المهم دارت الايام وانخطبت بنت خالي من ولد خالتي وهي كانت اكبرنا فرحنا واستانسنا وتزوجت وخلفت وكل شي اوكي وكنا دايم نتواصل وهي دايم تهزئنا لو بعدنا عن بعض شوي ودايم تقول عيب حنا بنات خوال ومايصير القطاعة رغم اننا اسبوعيا نتراسل ونكلم بعض ….

الى ان درات الايام وجات خالتي اللي تصير بنت خالي متزوجه ولدها وخطبت اختي لولدها الثاني ومن يومها بنت خالي انوااااااااع التنطيش لدرجة انك ترسلين لها رسالة ماترد ارسلتلها اختي تبارك لها برمضان وهي سحبت عليها اختي طنشتها بالعيد ما ارسلت لها ولاهي ارسلت

تخرجت اختي ماباركت لها انخطبت لاخو زوجها ماباركت لها !!!!!

ومرة قابلناها ع المسن وتتكلم معاانا وتقول والله انا مدري ابارك لك ع ايش ولا ايش سامحيني ع القصور مسويه فيها مشغولة حنا عارفين حياتها قمــــــــة الفضاوة وزوجها مريحها !!!!!

طبعا طووووووووز انا واختي ماهمتنا لكــــــــــن اللي قهرنا ليييييييش تسوي كذا لايكون خطفنا زوجها ع غفلة !!!!! وبعدين وين هالحريصة ع علاقتنا ويالقاطعات ومدري وشو من القاطع الحين ؟؟؟؟؟!!!!!

حتى اختي الكبيرة متزوجة وام عيال ترسلها تقول وش عندها هالخبلة ماترد ؟؟؟ >>>> طبعا اختي هذي اذا ارسلت لبنت خالي رسالة ترد لها الرسالة رسالتين من الفرحة انها عطتها وجه لانها تحبها !!

اختي الحين اللي شاغل بالها تقول كيف تتعامل معاها اذا تزوجت وصارت سلفتها سبحان الله مع ان الناس كانوا يقولون ماشاء الله بتكونون سلفات انتوا صديقات الطفولة !!!!!!!! مادروا عن الخافي !!!!

مشورتكم يا حلويـــــــــن ………

ريـــــــــــم قحطـــــان