عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اخواتي العزيزات اشكركم الشكر الجزيل على
المواضيع المفيدة في المنتدى والصدق والامانة
اللي مو كثير هنا يتبعونها ..ام نسرين وام روان
وبمنتدى ثاني مسمية نفسها الدكتورة ام محمد
وهذه هي اللي خمتني وضحكت علي بكريم
الخدود وخلطة العنود للشعر..وبالمنتدى هذا
كلمت ام روان ابي كريم نفخ الخدود والا الاقي
تحذير اخواتي من هالمنتج وهالتاجرات اللي
حياتهم نصب بنصب..واقسم بالله يابنات وانا
اكلمها حسيت بشي غريب منها كأنها مرتبكة
كأنها مترددة مدري المهم جاني احساس غريب
وانا اكلمها..بس يوم قريت مواضيع التحذير منها
فهمت عقبها ليش الحرمة مرتبكة..تلاقينها تقول في نفسها
اشوى جاني صيد جديد مو عارف الطبخة او تحسبني مباحث او
جاسوسة لأنها قفلت وانا اكلمها ورجعت دقت دقة وحدة وقفلت
المهم اعتقد ان قصدي هنا واضح وهو ليس الدفاع عنهم الله لايردهم
ولكن قصدي هنا التحذير ثم التحذير من هالاشكال هذي من هالطفيليات
اللي محسوبة على مجتمعنا انهم اوادم ..انا في قلبي حرة عليهم يابنات
وكل يوم اتحسب عليهم في صلاتي وعسى ربي لايحللهم الى يوم الدين
وعسى المولى عز وجل ينتقم منهم ويشوفونها بعيالهم وانفسهم ويبلاهم
بأعز وأغلى مايملكون..وعسى الله يشغلهم بعافيتهم وانفسهم ويصيرون
مشغولين عن النصب على خلاق الله ..ورددوا معي يابنات يوميا
((حسبي الله وكفى،،سمع الله لمن دعا،،ليس وراءالله مرمى))اللهم
اكفي المسلمين منهم بما شئت..وبالاخير اوضح لمن يسأل نفسه ليش
تظلمون ام نسرين وام روان؟؟ انا أقول هم ظلموا انفسهم بأفعالهم
