عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
جايبتلكم صور فساتين ان شاء الله تعجبكم
ــــــــــــــــــــــــــــــــــــــــــــــــــ ــــــــــــ
الفستان الاول:
قماشو من منصر العيسائي وأكيد انتو عارفين كيف غالي .. تكلفة الفستان 4000 وراح اابيعو بسعر 1500 لانو مااتلبس غير مره وحده وربي شاهد عليا … المقاس ميديم الى لارج
وهدي الصور…
ــــــــــــــــــــــــــــــــــــــــــــــــــ ــــــــــــــــــــــــــــــــ
الفستان التاني
اشتريتو من ديمتريوس اللي في جدة مول ب3500 وراح ابيعو بـ1500 والصراحه مرة حلو ويبين جمال جسمك ويبين خصرك … المقاس ميديم الى لارج
ومعاه هدا الاكسسوار الفخم ومعاه خاتم وسعر البيع 400 ريال
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
الفستان التالت
فستان اشتريتو من محل بسوق حراء اللي في جدة بـتقريباً 2000 ريال وموديلو مره حلو هوا طبقات ومن قدام قصير بس يعني تحت الركبة يعني يمكن بعد الركبة بشبر ومن ورا طويل بديل ومالبستو غير مره وحده وربي شاهد عليا وراح ابيعو بـ1000 .. المقاس في الاصل ميديم ولارج .. بس انا وديتو للخياط وخليتو سمول لميديم … يعني ينفع سمول وميديم ولارج ..فإزا تبغيه لارج ازا وديه للخياط وخليه يرجعلك هوا وطبعاً ابدن مو باين ولا راح يبان لانو الخياط عملي هوا من القماش الداخلي للفستان يعني مامسك التطريز بالمرة ولا من برا الفستان …
وهدي الصور
ــــــــــــــــــــــــــــــــــــــــــــــــــ ــــــــــــــــــ
الفستان الرابع
اشتريتو من العطيف بـ1000 ريال وراح ابيعو بـ500 ريال وهوا عبارة عن فستان جينز بس فخم فيلو ورود ومخيط عليها زي الاحجار لونها فيروزي واخضر… تقدري تلبسيه في غمرة او فرح في بيت او ملكة مبسطة وممكن في جمعات العيد الكبيرة والفستان معاه شنطتو شكلها نفس الفستان يعني شنطة جينز وفيلها ورود وبرضو مخيطة بالاحجار لونها فيروزي واخضر..
وهدي الصور..
ــــــــــــــــــــــــــــــــــــــــــــــــــ ــــــــــــــــــــــــ
الفستان الخامس
اشتريتو من حراء بـ950 ريال وراح ابيعو بـ500 ريال المقاس ميديم وسمول ولارج لانو برضو وديتو للخياط وتقدري توديه للخياط ازا تبغيه لارج وبرضو خياطتو من القماش الداخلي وابدن مو باين..
ــــــــــــــــــــــــــــــــــــــــــــــــــ ــــــــــــــ
الفستان السادس
قماشو من منصر العيسائي يعني غالي واشتريتلو بروش غالي خيطتو في الفستان والفستان فخم ويبين كسم الجسم والخصر بشكل حلو … واكمام اليد طويله لانك راح تشمريها على فوق فحتصير طبقات على يدك فحيبين شكل الفستان مره حلو ..زكلفني الفستان حوالي 4000 وراح ابيعو بـ1500 وخسارتي فيه كبيره والله ..المقاس سمول وميديم ولارج لانو القماش زي الاستريتش..
وهدي الصور..
وهدا الاكسسوار اللي لبستو معاه طبعاً اشتريتو بحوالي 600 ريال لانو تفصيل وراح ابيعو بـ 350وهوا فيلو نفس الالوان اللي في البروش يعني كأنو طقم بالتمام
ــــــــــــــــــــــــــــــــــــــــــــــــــ ــــــــــــــ
انتهت الفساتين اتمنى انها تكون عجبتكم ..
اللي تبغى أي واحد من الفساتين ترسلي عالخاص .. والاسعار قابله للتفاوض …انا من جده واقدر اوصلها لـالطائف و ينبع والرياض … ولكن على حسب الظروف …
وأي مكان تاني راح يكون الشحن على المشترية …
وأي استفسار انا حاضرة…
