عالم البنات النسائي كل ما يخص المرأة العربية من ازياء وجمال والحياة الزوجية والمطبخ
الحقير ابن الحقير اللي دخل باسم البنيه
لو براسه خير رده ماقرب نـك البنـات
قاصر الهقوات جيده بالتحايـل والخفيـه
عايشٍ عمره يفكر كيف يصتـاد القطـاة
له مقاصد دانيه وافكار مخ الفـار سيـه
بالقوارض تجتمع شين الروايح والصفات
همته دنيا وراس المال قمرا مـع سميـه
مايكفنه ثـلاث اربـع نجـوم موشمـات
يتبع القصيا وعينه تلتفـت يـم الدنيـه
لادخل وسط المعارض مد يدّه قال هـات
ناسيٍ اصله وفصلـه ماتحلـى بالحميـه
غارقن طايح بجمع اللي يبيهن معجبـات
تاجده في كل سوقٍ قام له روحه وجيـه
مايغايب عن عيونه غير راعية الثبـات
يظهر الطيبه وطبعه بالخفا من طبع حيه
كنه الخفاش ليله ليل والصبـح بسبـات
فاقد الجنحان ماعنده عـزوم ومقدريـه
مايسير ولا يحيـر الا تقنـه بالعصـات
فوق هذا لا لقا اللي بالعطـا كفـه نديـه
لف كنه ثعلـبٍ مكـار يسعـى بالوشـاة
ياجماعه كيف ترضون الظليمه والخطيـه
مثل هذا ينرمي باقصى سلال المهمـلات
ماقصد التشهير بل تحذير من ضربة يديه
لو مسكته في يديني والله انـه مايبـات
اعرفه من سو طبعه مامشى لعبه عليـه
بس بعطيه الاشاره قبل اسوي به سوات
اعذروني يالنشامـا لاتقولـوا عنجهيـه
شي في نفسي كتبته يوم شفت الخافيات
منقول
راسية الفراشه
