عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
ماادري من وين ابدا الموضوع حساس بالنسبة لي وحبيت افضفض لكم
احيانا اقول وسوسة الشيطان ولازم ارضى بقضاء الله واحيانا تجي لي حالة ضياع وتخبط
مشكلتي اني مب راضية عن شكلي ممكن تقولون انها مشكلة بسيطة وتافهه لكنها معذبتني
اوقف قدام المراية بالساعات واتمقل في خشتي واقول بيني وبين نفسي منو الغبي الي يقبل يتزوجني ويترك المزيونات الي تارسين البلد
الجمال ثم الجمال ثم الجمال هو مطلب الرجال وانا مافيني ذيك المواصفات الجمالية ولاحتى ربع هالمواصفات ➡
مااحب خشمي قسم بالله اكره استغفر الله احيانا اقول ياليت خشمي غير هالخشم
لدرجة ان فكرت اسوي عملية تجميل لوانها مب حرام سويتها
في لحظة ضعف تمنيت ان يصير لي حادث ويتشوه خشمي علشان يكون لي عذر ان اسوي عملية تجميل واغير هالخشم
احيانا اقول فيه الي انا احسن منهم ومع كذا تزوجوا واحيانا اقول مجنونة افكر ان احد بيتزوجني وانا بهالشكل !!!
