عالم البنات النسائي كل ما يخص المرأة العربية من ازياء وجمال والحياة الزوجية والمطبخ
لوتدري بشوقي وش اقصى حـدوده
تصاغرت في عينك حدود الافـلاك
ولوتدري بكوني وش اللـي يسـوده
ما شفت غيرك حاكـمٍ فيـه ويّـاك
ولوتدري بجمر الغـلا وش وقـوده
ماكان تبعـد عـن وليـفٍ تمنّـاك
ماتدري ان جرح المحانـي يـزوده
بعدك وبسمـاة الولـه فـي محيـاك
في غيبتك كلش بـدا فـي وجـوده
مثل العـدم الا شعـوري وطريـاك
لوقللـوا رمـل الثـرا فـي نفـوده
ماقل حبـي لـك ولا حـب لامـاك
ما غاب طيفك عـن فـوادٍ يـروده
ذكراك .. يا لبـا معاليـق ذكـراك
جيتك ودمع الشوق عانـق خـدوده
من لاهب الفرقا وعجزي عن رضاك
عسفت لك مهر القوافـي الشـروده
لين القوافي طاوعت لـي وجينـاك
يافاتـنٍ صـدّ وذبحنـي صــدوده
لا تذبح اللـي بـدّت النـاس بـداك
اضماك والصبح الندي ويش جـوده
عند السحاب اللـي تسوقـه ثنايـاك
ايـوالله اضمـا والعـواذل حسـوده
يقطع رجاهم ويش انا دون حسنـاك
وانت الذي كل ما شكيته .. شهـوده
عقلي . وقلبي . والجـوارح تفـداك
تبغـى الحقيقـه ودّنـا مـا يكـوده
غير الفـراق اللـي لقيتـه بدنيـاك
للشاعر المبدع: مشبب العاصمي
اختكم : نداااوي
