لمحبات دبي او لبنات دبي ( تفضلوا ساعدوني عندي الف سؤال )

بااقول لكم قصة حياتي وتحملوني وياليت تساعدوني 😡

بما اني ماسافرت بالصيف لظروف فأحس نفسي بااختنق وودي اروح اي مكان ,, ففكرت ان نسافر باجازة عيد الاضحى الجاي لكن ميزانيتي مرة حدها حدها هههه ❗

فقلت مافيه الا نروح دبي 4 او 5 ايام تغيير جو خصوصاً ان الجو اتوقع في شهر ديسمبر بيكون ممتاز

المشكلة اني من زمااااااان مارحت دبي والحين كل شي تغير فيها وماودي نروح على عمانا ابغى اجهز برنامج وقائمة بالاماكن اللي بنروحها فعندي كم سؤال ياليت تجاوبوني عليها

1 – ارخص خطوط للطيران من مطار الدمام الى دبي ؟

2 – فندق او شقق فندقية , المواصفات : حلوة ونظيفة جداً وقريبة ماتكون معزولة او بعيدة عن المجمعات
ومايزيد سعر الليلة عن 600 درهم طبعاً بتكون غرفة لشخصين
ملاحظة بنفس الفترة بيكون ذكرى زواجنا فـ انا حريصة ان الاقي فندق حلو ورومانسي ونظيف وفيه خدمات

دورت كثير في فنادق دبي لكن للاسف فنادق 5 نجوم ماتقل الليلة عن 1000 درهم

3 – الاماكن السياحية اللي ممكن نروح لها غير المجمعات مع ذكر تكلفة الدخول لها ان وجد

طبعاً الاماكن السياحية تختلف على حسب الاشخاص فحبيت اقول لكم ان الرحلة بتكون انا وزوجي وولدي عمره سنة ونص فنبغى اماكن عائلية

4 – ابرز المجمعات

5 – سمعت عن مجمع او مركز اسمه دبي اوت لت وين مكانه ؟؟

6 – اي اوفر استئجار سيارة او الاعتماد على التاكسي ؟

7- الكافيه الثلجي هل مسموح دخول الاطفال فيه ؟

8 – الأكواريوم في فندق اتلانتس كم تكلفة الدخول له وهل يستاهل ؟

ادري طولتها بالاسئلة اسمحوا لي وان شاء الله الاقي مين يتجاوب معاي 😥

واتوقع اني باارجع بأسئلة ثانية خخخ 😆 idea: