عالم البنات النسائي كل ما يخص المرأة العربية من ازياء وجمال والحياة الزوجية والمطبخ
صباح الخيرات والعسلات
ازيكم يا بنات
عايزة اتكلم معاكم بعد اذنكم شويا
ممكن اخد من وقتكم 5 دقايق؟؟
ممممممممممممم
اقسم بالله ايلي بتصليها ومداومه عليها هتستغرب ان في حد مش بيصليها
من كتر ماهي جمييييييييييييييييله
بصوا يا بنات
خلينا نتفق الاول
صلاة الضحي مش فرض
اومال يا نسمة انتي غاوية تتعبينا كمان بصلاة ربنا مفرضهاش علينا؟
بالعكس دانا عشان بحبكم واتمنالكم الخير عايزة راحتكم
راحتنا ازاي يا نسمة انتي عارفه الكسل بيجري في دمنا اصلا وبنصلي بالعافيه
يابنتي اصبري اديني فرصة اتكلم
الضحي مش فريضه
ربنا عشان يخفف عننا مفرضهاش
بس في نفس الوقت هي سنه مؤؤؤؤؤؤؤؤؤكده
يعني رسولك حبيبك قدوتك عليه افضل الصلاة والسلام كان مش بيفوتها عمرررررره في حياته ما سابها ابدااااااااااااا وكان بينصح بيها صحابه وزوجاته
تفتكري الرسول عليه الصلاة والسلام المعصوم من الخطأ حبيب الله ايلي ضامن الجنه واحسن مكانه فيها كمان كان ايه غاصبه يصليها؟؟؟؟؟؟؟؟؟؟؟
كان بيصليها عشان نيجي احنا بعده ونقلده وهو ييجي يوم القيامه يقابلنا ويفرح بينا وكان بيصليها عشان عارف قيمتها كويس اوي عند ربنا
طيب استني يا نسمة
انا لمحت ف الصورة ايلي انتي لسه حطاها مكتوب فيها
لا يحافظ على صلاة الضحى الا اواب
يعني ايه اواب اصلا؟؟
اواب يعني الانسان ايلي بيجري على طاعه ربنا ورضاه وبيعمل اي حاجه وكل حاجه عشان ربنا يرضى عنه
معنى الكلام
ان من قيمة صلاة الضحى الكتيرة
1/ هيبقى اسمك عند ربنا (اواب)
ايه رايك؟؟
لما ربنا يشوفك في الصورة دي
لما ربنا يفرح ويقول اه دي فلانه عايزة ترضيني ومصممه على كده
تفتكري لما تصممي على رضا ربنا .. هيكافئك ازاي؟؟
دا اقل حاجه ان سبحانه وتعالى برده هيرضيكي
تفتكري انتي مستغنيه عن كده؟؟؟
طب ايه تاني قيمه للضحى؟
2/ الحديث المعروف
عن أبي ذر – رضي الله عنه – أن النبي – صلي الله عليه وسلم –
كتير مننا مش فاهم الحديث دا
شرح الحديث باختصار
الرسول عليه الصلاة والسلام بيقولك ان جسمك فيه 360 مفصل ( يعني ظهرك ايدك رجلك صوابعك رقبتك الخ)
والمفروض انك تتصدقي عن كل مفصل منهم
يعني تطلعي 360 صدقة في اليوم عن جسمك وصحتك من باب شكر النعمة لربنا يعني
تقدري كل يوم تطلعي 360 صدقة؟
انتي متخيله الرقم؟
شايفه الاسلام بسيط ازاي
يعني بدل ما تطلعي 360 صدقة صلي ركعتين ضحى
يانسمه وبكده هكون تصدقت عن جسمي وصحتي؟
اه والله
اكيد انتي محتاجه تحافظي على صحتك
ولا مستغنية؟؟؟؟؟؟؟؟؟
طيب نيجي لتفاصيلها
وقتها امتى؟؟؟؟؟
يعني اصليها امتى يا نسمة؟
بصي هي ليها وقت محدد يعني مينفعش تكوني قاعده كده ف اي وقت وتقولي هقوم اصلي الضحي!! لا مينفعش
وقتها :
اول ما الشمس تطلع فوتي ربع ساعه من طلوع الشمس
ومعاكي وقت لحد
قبل الظهر بربع ساعه برده
يعني من بعد طلوع الشمس بربع ساعه لحد قبل الظهر بربع ساعه
والافضل والمستحب انك تصليها وهي الشمس حاميه
يعني قبل الظهر
هو دا وقتها فقطططططط يعني مينفعش تصليها قبل طلوع الشمس ولا بعد الظهر
عدد ركعاتها
اقل حاجه ركعتيـــــــــن
2
4
6
8
اكتر حاجه 8 ركعات
بس خلينا واقعيين شويا
انا مش هطلب غير ركعتين
وايلي تقدر تخليهم 4 عادي
طب يا نسمة لو صلينا ركعتين بس على اد امكانياتنا يعني كده مش هناخد ثوابها كامل؟؟
لا طبعا هتاخديه كامل باذن الله
هتاخدي اجر 360 صدقة عن جسمك
واجر انك هتكوني من الاوابين
وخدي ايلي جايه بقى
والله والله والله يا بنات
انا الحمد لله متعوده ديما اصليها ع الساعه 11 كده او 11 ونص
وبعد ما بصليها بحس بنشاط غير عادي في كل حاجه باقي اليوم سواء ترويئ البيت ولا المطبخ ولا حتى كمان الصلاة والله باقي الفروض بصليها بكل نشاط وخشوع
والله سبحان الله
حتى عادة لما بصحي بيكون عندي صداع كده غلس سبحان الله لما بصليها الصداع بيروح بجد الحمد لله
وعلى العكس بقى
لو في يوم غصب عني وقتها فاتني ودا نادرا الحمد لله
بحس بطوووووول اليوم بكسل رهيييييييييب مش قادرة اتحرك من مكاني ومهبطه كده و كأن عندي 60 سنه والله
صلاة الضحى دي سحررررررر والله
المفروض نحمد ربنا اصلا انه انعم علينا بيها
الحمد لله
بقول ايه يا بنات مفيش مجال اصلا للكسل
هما ركعتين
معتقدش انهم حاجه صعبه
مفهاش حاجه لما اول ما تصحي تقومي تتوضي وانتي بتغسلي وشك عادي يعني
وتصلي ركعتيييييييييييييييييييين
انتي متخليه يعني ايه ركعتين = 360 صدقة
متخليه يعني ايه ركعتين= رضا ربنا عليكي وبالتالي يرضيكي
ركعتين = قدوة لحبيبك عليه الصلاة والسلام وبالتالي لما يشوفك يفرح بيكي اوي
ركعتين= نشاط لجسمك باقي اليوم
اعتقد ان احنا اكتر ناس محتاجين جرعه النشاط دي عشان نتغلب ع الكسل
يلا نبدأ من بكرا هنصلي الضحى باذن الله
وعايزة من كل بنوته تيجي تقول تمام انا صليت الضحى انهارده
وفي اخر اليوم ادخلي قولي حسيتي بفرق ولالا لما صلتيها
في حفظ الله
منقول للفايده
