عالم البنات النسائي كل ما يخص المرأة العربية من ازياء وجمال والحياة الزوجية والمطبخ
موضوع هادف عن الحجاب وحابة اخذ رأيكم فراشاتي
ليه كل واحده فينا لازم تكون محجبة ونصائحكم على البنات اللي ماتحجبو الله يهديهم
و رأيكم بحجاب هالايام الله يهدينا ويهدي الجميع وجميع المسلمات
اللهم احفظ عوراتنا واسترنا دنيا واخرة
أنا محجبة -بعد إيماني بأمر ربنا إن الحجاب فرض على كل مسلمة-
علشان الأسباب التاليه
1 – 
ومن حقي اختار مين اللي يشوف مني أجمل ما عندي.. واللي علشان يشوف ده ويبقى حقه
وحلاله عن طيب خاطر.. لازم هو كمان يديني مشاعره واللي باقي من عمره عن طيب خاطر
2-
علشان أنا غالية.. مابقدر أقلل من قيمة نفسي واخليها عرضة لكل العيون..
ويبقى خروجي مكشوفة ضوء أخضر لكل من هب ودب يسرق مني ولو نظرة لأي جزء مش متغطي مني..
حتى لو مكان ده قصدي.. بس مش حقدر امنعه.. كامل اعتذاري لغير المحجبات..
ولكن ده اللي حيوصل منك لضعيفي النفوس حتى لو مكان ده قصدك.. وده اللي علشانه ربنا فرض الحجاب .
علشان ميطمعش الذي في قلبه مرض.. مع الأخذ في الاعتبار انه “كل من هب ودب ده”
3-
علشان أنا باحترم نفسي.. وشايفة نفسي كبيرة قدام نفسي..
وماينفع أنزل سوق المنافسة في الأنوثة علشان أفوز في الآخر بنظرة شهوانية أو كلمة غزل رخيصة
أو عرض صحوبية
4-
علشان انا جمالي مش خارجي وبس.. ومن حقي ان اللي ييجي يتجوزني.. واللي حاديله الباقي من عمري..
واللي حديله كل مشاعري.. واللي حاقاسمه أحلامي وأفكاري.. واللي حخلف منه ولادي..
ورح اربيهم معاه.. مايختارني على مقاييس شكلية وبس.. أو تبقى هي دي العامل الأساسي في أختياره ليا..
علشان كدة مش ضروري يشوفني في كامل زينتي وجمالي قبل ما! يتجوزني..
الأهم انه يحب روحي ويعجب بشخصيتي.. ويرتاح معايا نفسياً..
أصل في بنات بتأجل الحجاب لحد ما تتجوز.. على أساسا انها تكون شافت واحد وضمنته..
مع إنو مافي حاجة مضمونة في الزمن ده.. واللي اختارها علشان جمالها.. ممكن قوي يتجوز عليها
واحدة أجمل منها.. لأنه أكيد في الأجمل منها يعني وكل حلو في احلى
5-
ويمكن يكون عاوز يقرب من ربنا.. وبيجاهد نفسه علشان يغض بصره..
ومابرضى لنفسي اني اكون سبب في اني افتنه
علشان أنا بشيل هم أخويا في الله اللي نفسه يتجوز ومش قادر لضعف إمكانياته المادية..
فمش ضروري يعني ازود عليه همومه.. وأخيِلُه في الرايحة والجاية
7 –
ده غير حاجة مهمة كمان.. الكفن بتاع النساء.. فيه حجاب.. فاللي مش حتلبسه وهي حية بإرادتها طاعة الله..
حتلبسه كدة كدة وهي رايحة قبرها.. وطالما ربنا بيقول اننا نتستر حتى واحنا رايحين قبورنا
وخلاص انتهى التكليف.. ومافي احد حيشوفنا تاني ولا حد حيطمع فينا..
يبقى مفيش معنى اننا نمشي مكشوفين لكل العيون واحنا أحياء نرزق..
يبقى الأولى أطيع ربنا بإرادتي وأقابله وهو راضي عني وآخد أجري كامل..
ولاّ إني ما البسو غير وأنا جثة وأقابل ربنا وهو غضبان عليا؟
الأسباب اللي فوق .. هي اللي فهمتني ليه ربنا فرض علينا الحجاب.. مش تعسير ولا تضييق..
الحجاب فعلا” عزة وكرامة.. مايعرفها غير اللي داق طعم الستر
ربنا يهدينا ويهدي بنات وشباب المسلمين
