عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
بنات عندي سؤال بخصوص الفلفل الابيض انا كنت متردده باستخدامه بس بعد مافهمت انه هو الاسود بس بدون قشره تشجعت الزبده انا بكريه وابي استخدمه ان شاء الله بنفاسي لكن مابيه مع الزنجبيل والماش لان الزنجبيل سمعت يسوي مويات والماش يسمن فخطرت لي فكره قلت ليش مااضيفه مع لهوم ال20 الاولى او الاخيره يعني احط مقدار فنجال او فنجالين مع اللهوم وش رايكم يصلح ولا لا ؟؟؟؟؟؟؟؟
وابي اسال متى استخدمتوه يعني متى افضل اول 20 يوم نفاس ولا اخره ؟؟؟؟؟؟؟؟؟
وهل يكفي لو احطه مع حليب وارشه على اكلي يعني عادي استخدمه باي وقت ولا لازم على الريق ؟؟؟
انا كنت بستخدم عباءة السيده وشريتها بس قالتي واحده انا سامعه جابر القحطاني يقول لازم تستعمل في طهر يعني ماتصلح بالنفاس مع ان كثير استخدموها بالنفاس لكن هي اكدتلي انها سامعه الدكتور بنفسها عشان كذا حولت على الفلفل الابيض
ملاحضه مهمه للي ماجربوه اقرو كلامي هذا زين >>>>>>>>>>
بنات اللي فيها قولون او جرثومة معده او التهاب مبايض او اي شي بالجهاز الهضمي مشاكل تبعد عنه لانه يهيج المعده بسبب حرارته وانا اسال لي انا حطيت الموضوع هذا ابي اللي جربوه يجاوبوني مو عشان اشجع احد يستخدمه يعني اللي تبي تجرب تبحث هي بنفسها وتستخير وبعدها تقرر وتشوف وضعها الصحي يسمح ولا لا مو تجرب على عماها الا هل بلغت اللهم فاشهد
والفلفل الابيض عليه اقاويل كثيره واشاعات يعني فيه ناس تضررت مثل مافي ناس استفادت من ضمن الاقاويل اللي قريتها يسبب اكياس ومويات وبواسير هذا من ضمن الكلام اللي قريت مقابل الاف التجارب اللي تمدح وتقول بنشف ويضوق يعني كل واحده ماسبق استخدمته تروح تبحث بقوقل عن التجارب وتستخير وتشوف وضعها الصحي يسمح ولالا مو تمشي على كلامي ولا كلام غيري انا ذكرت المساوئ والمحاسن مابي اشيل ذنب اي احد
