لله الحمد وا الثناء الحسن

ولادتي كانت قيصرية ونشكر الله كانت ميسرة

بنتي حبيبتي كانت راسها فوق ورجليها تحت (مقعدية) عشان هيك عملت قيصرية

انا ما استنيت لحد موعد ولادتي الدكتورة قالتلي بلاش يجيكي طلق وتنزل مية الراس واخر اشي تتوجعي وتعملي عملية فكانت العملية بتفاق مسبق بيني وبينها

قبل بيوم يعني ليلة الاربعاء ما نمت وبكيت لقلت كافي من الخخوف خخخخخخخخخخخخخ

الخميس طلعنا على المستشفى انا و زوجي الساعة 8 الصبح لحتى عملولي الدخول و جهزوني واجت الدكتورة صارت 10 الصبح جابو التخت و نزلوني على العمليات وانا قبل كنت طالبة من دكتور التخدير ما يحطلي قسطرة البول الا بعد ما اتخدر كنت خايفة منها طبعا حطولي الكمامة للتخدير وقالولي يلا باااااااااااااااااااااااااااااااي

صحيت وهمة بحكولي الحمد لله على السلامة بس شو كنت ميتة عطش وكان ممنوع اشرب سوائل قبل 4 ساعات وعطوني ابر مسكنة وتغذية بالوريد واول ما رجعوني على الغرفة بلشت استفرغ حكولي هاد من البنج وجابولي وجبة سوائل جلي وكستر و اعشاب وعصير بس كان نفسي مسدودة ما قدرت احط اشي بتمي

بعد 4 ساعات غيرولي اواعي العملية ولبسوني وجابو وجبة السوائل وبعدين مشوني والحمد لله كان في وجع بس مو الوجع الي انا كنت خايفة منه او متصوريته

طبعا اولها بقلولك لا تاكلي اكل بظلي سوائل وانا ظليت نازلة بالعصير

تاني يوم اجت الدكتورة وقالتلي امورك تمام مدامك مشيتي اهم اشي الوحدة تمشي و تخرج غازات وطلعوني تاني يوم

ورحت عند اهلي و بنتي بتجنن صحيح صغيرة 2 كيلو و 700 غرام بس بتجنن

الله يفرحكم بشوفت نونياتكم على خير وسلامة يارب