عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اللي تعرف تطبخ الاكل الشعبي والفطاير وماهرة بالطبخ واغراض الطبخ انا بعرض عليها عمل وانا والله صادقة وما استهبل
انا ابغا وحده تعلمني الطبخ بالرياض تجي البيت ساعتين او ثلاثه ومو شرط كل يوم او وحدة ترسل شغالتها اذا شاطره بالطبخ وتعلمني وانا مستعده ادفع لها000 بس بدون مبالغه
وحتى لو ما تقدر تجي البيت انا اجيها بس بعد ما اشاور زوجي 00
انا متزوجة من مده وما اعرف اطبخ حتى اني اروح السوق اشتري اغراض المطبخ ما اعرف ايش اخذ وايش اللى احتاجه لاني باختصار ما احب الطبخ وماعمري طبخت وحياتي منقلبه فوق تحت اخاف يجوني ضيوف او زوجي يطلب مني شي معين اعمله ومااعرف ومن مدة كثرت المشاكل مع زوجي بسبب هذا الموضوع حتى لقيت هذا الحل
ارجو من الاخوات ما يحكمون على اني فاشلة انا جربت الكتب ومواقع النت وبرامج الطبخ والله اكلي مافيه نفس وسالت خواتي وجارتي بس ما احس طبخي مثل طبخهم
اللي تقدر تعلمني وتكسب اجر وفايدة مادية ترسلي على الخاص
وما احلل اي وحدة ترد وتتفلسف اللي عندها كلمة زينه او نصيحة تتكتبها
دعواتكم ربي يسخر لي زوجي ويحنن قلبه علي
