عالم البنات النسائي كل ما يخص المرأة العربية من ازياء وجمال والحياة الزوجية والمطبخ
العنوان يفشل لكن خلنا نكون صريحين مع انفسنا كم مره دخلنا المطبخ وعفسناه عفيسه وطلعنا بأكله خبيصه
كم مره رفعنا الكموم وشدينه الحيل وقدمنا الاكله ووبالاخر تحسفنا لان اللي كلوها يا انهم عفسو وجهوهم او أصابتهم لوووعه هههههههه
كم مره حاشك احباط و قلتي لنفسك خلاص هذي آخر مره أدخل فيها المطبخ أطبخ خخخخخخخخخ ولامره قلتي ماادخل المطبخ عشان أملي بطني
بعد هذه المقدمه والمعانات
أعطيكم وصفه حلووووو عجييييييييييييييبه ومضمونه 100%
حتى صديقتي سوتها وانبهروا العالم فيها (صديقتي مثلي )
المهم
اليكم هذه المكونا ت
1- كيك بارد اقصد الجاهز الي تشترينه وتاكلينه هههههه على طول
2-بسكوت دايجستف او اي بسكوت تحبونه
3 _صبع أو صبعين هههههه زبده
أوووووووووه بعد شنو
أي 4 _ أهم شي كاكاو انا سويته على آرو وجالكسي 5 الى 7 اصابع من اي كاكاو ساده تحبونه
5-كريمه سائله نص القوطي
6-خدود بنات صغااااااااااااااااااااااااااااااار او كبار كيفكم ( المارشميلو)
طريقة العمل
1-ذوبي الزبده ثم فوقه نص الكريمه السائله ثم اصابع الكاكاو كسريهم عشان يسهل الذوبان مع بعض الى ان يتكون لك خليط الكاكاو
2- فتتي البسكوت بايدك او الخلاط ثم ذوبي الزبد وخلطيها مع البسكوت
3- قطعي الكيك شرايح وصفي على قاعة بايركس أو يسمونه صنيه ثم أضيفي خليط الكاكاو وهو ساخن مومشكله فوقه كله
4- ثم أضيفي طبقة البسكوت المفتته ثم صففي قطع الخدود بنات أو المارشميلو بحيث تكون طبقه فوق البسكوت
5- ثم ادخلي الطبق الى الفرن لكن قبلها قولي حق الشغاله او الماما تبطل الفرن لا تسوين انفجار بالبيت مده عشرة دقايق فقط لا غير او انك تحطين لك كرسي تجابلين الطبق لين تشوفينه استوى مثل حلاتي هههههههه
6_ طبعا بالاخير راح تشوفين طبقة الخدود البنات او المارشميلو صارت لونها بني يعني تحمرت وصارت تغرمش والمكونات اللي تحتاها ذابت الله والكاكاو ذاب على الكيك والطعم رووووووووووووووعه صدقيني ماتفشل اللي تسوي هذا الطبق الكل راح يحبه وحده عحيييييب
الله يوفقكم
