عالم البنات النسائي كل ما يخص المرأة العربية من ازياء وجمال والحياة الزوجية والمطبخ
من زمان ابي اكتب هالموضوووع للفائده من خلال تجربه وحده بالنفااااااااااااااس واه يالنفاس قد ايش هو متعب
ابي اذكر لكم غلطاتي عشان ماتطيحون فيهااااوبعدها بقولكم على نظام امي الصحي بنفاسي
اول غلطه ارتكبتها بحق نفسي والبيبي شربت ببسي ثاني يوم نفااااااااااااااااس وتعالو شوفو كيف تعبت وتعبت بنتي طول الليل صوت بطنهاااااااا ومغص والله تقطع قلبي
والغلطه الثانيه الكبرى سويت رجيم ماكل شي غير عصيرات لان وزني زاااااااد 13 كيلو بغيت انجن 😡
والغلطه الثالثه اني مسويه نفسي مره سنعه وبجلس بيتي النفاس كله مع اني قادره اروح بيتي اهلي بس قلت بجلس بيتي ععشان خاطر زوجي اول مولوده له وبعد طول انتظار وجات امي وجلست معي اسبوع وقاالت يالله يومه روحي معي قلت لاااااااا بجلس على بالي الامر هين بس امي تروح من هنا قالت 3 ايام وارجع لك كان عندها شغله اهلي بالشرقيه وانا بالرياض وامي تطلع من هنا وانا اقوم اتسبح واجلس تحت الشبااااااااك ودخل هواء براسي مره المه فضيع ويجيني سخونه باليل وارجولي تصبب مويه احس فيها نمل يمشي الله لايوريكم عدا اليوم الاول ويجي اليوم الثاني وانهبل على زوجي ولا تطلع شبر من البيت جاني خوف مو طبيعي حتى من بنتي اخاااف منها وبس ابكي بالذات اذا جاء اليل يجيني حزن وبكاء ورجولي بس تصب مويه وراسي احسه بيطير وجسمي انشد كله حتى رقبتي ماقدر احركها بس الشغاله جالسه تمرخ فيني وتقول يمدااام جسمك مره مشدووووووود تعبت تعب مو طبيعي وصادني اكتئاب وكرهت بيتي والاكل حتى يوم رجعت بيتي بعد الاربعين شهرين ماطبخت كرهت اكل بيتي مع حوسة الضيف الجديد 
ياربي لك الحمد وين كنت وين صرت والله كنت احسب اني بجلس بذيك الحاله على طول
واجلس ابكي عند زوجي ودني لامي مابي اجلس دقيقه ويالله اقرب طياره واسافر لامي ومادرت الا يوم وصلت المطار والله فرحت مره
بس ادخل عليهم واشوف العافيه يالله لك الحمد هههههههههههههه احيان السناعه تجي في وقت ماله داعي
لدرجة اني يوم رحت عند امي ودتني المستشفى وحطو لي مغذيااااااات كنت مره منتهيه 3 ايام ماكل ولا شي ولا اشتهي ش
ابقولكم باختصار كيف نزل وزني 13 كيلو بشهر ماشاءلله تبارك الله
اكلي كله كان صحي مع اني اشرب حلبه كل يوم بس نزل وزني كانت امي تسوي لي فطور خبز دخن او بر وتحط عليه عسل او بيض
والغداااء لازم لحم ومعاه مرقوق او خضار او دجاج مشوي وسلطه
والمويه كنت اشرب بالهبل باليوم لترين او اكثر والشاهي اشربه مرر كرهت الحلى والرز مره
واكل برتقاااااال كثير والعشاااااء اي شي خفيف والمشروبات ماشربت غير قشر وينسون وحلبه بالصباح
والزعتر شربته مره وبنتي جاها مغص وتركته
والحمد لله طلعت من نفاااااااسي رشيقه والله حتى بطني اللي يشوفني مايصدق اني كنت حامل ماشاءالله تبارك الله فديت امممممممممممممممممممي طلعت من نفاسي صحتي زينه وصحت بنتي ماشاءلله تبارك الله
وكنت اربط بطني بشماغ واشفطه على داخل
والخياطه ماستخدمت غير ميبو ومطهر بيتادين والحمد لله ذابت خيوطي بالعشرينات ❗ 😥
واي سؤال انا حااااااااااااظره وكما صار عندي خبره هههههههههه بنتي كملت 6 شهورررر
