عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بســم الله الرحمن الرحيــم
حبيــت أشارككم يابنات ببعض تجاربــي ..
هذا القناع , للشعر المتقصف والضعيف , والباهت , والمحروق من الصبغات , وقناع بعد الحنا
تخلطين بياض بيضه + ملعقة خل تفاح + ملعقتين زيت زيتون + ملعقتين زيت نارجين
فوائدها : ❗
بياض البيض ينعم الشعر ومفعوله زي البلسم
خل التفاح معالج للشعر ولفروة الرأس ويعطي لمعة للشعر
زيت الزيتون مغذي ومطري
زيت النارجين مرطب ومطول للشعر
والخلطــه ككل تحمي الشعر من أشعة الشمس وحرارة السشوار وتساعد في مقاومة الشعر للتقصف
طريقة إستعمالها :
حطيــها على شعرك من نصف ساعه إلى ساعه
أدهني شعرك زي الصبغـــه بفرشاه
وبعدها غسلــي شعرك بشامبو
استخدميها مرتين إسبوعيا
بالنسبـــه لطريقته قناع بعد الحنـــا والمعروف ان الحنا تجفف الشعر
بعد عمل الحنا لشعرك وانتبهي تخلطي عليها زيوت لأنك ماراح تستفيدي
غسلي شعرك ببلســــم مو شامبو فهمتواا حطي بلسم وشوي شامبو وغسلي شعرك
عشان تطلع الحنا والبقايا من شعرك
بعدين جففي شعرك لحد ماتحسين إن شعرك جف شوي إبدأي حطي القناع
وخليه نصف ساعه وغسلي شعرك بشامبو وشوفي شعرك كيف بيصير لمعه ونعومه وصحـــه
يابنات للأمانه خل التفاح ريحته ماتروح بسرعه من الشعـــر
يعنـــي بعد ماتغسلي شعرك وهو لسه رطب حطي أي دهن ورد أو عود شووووي بس في شعرك
وتقدري تستشوري شعرك بعد الخلطـــه وراح يكون السشوار سهل والشعر كل مره بيصير أحلى
أتمنــــى ما أكون طولت عليكم .. والله يرزقكـــم بشعر أحلى من شعر زينب العسكــري
