لكل وحده تعاني من اجهاض تاخر حمل خربطة هرمون تتفضل

السلام عليكم يا بنات بالبدايه مثل ماوعدتكم انزل لكم تجربتي انتبهو لكلمة تجربتي
لان انا مابي الاالدعاء والاجر والله مالي اي مصلحه من تنزيل موضوعي الا اني ابيكم تستفيدون مثل مااستفدت
وراح ابدء من البدايه
انا متزوجه من 11سنه بعد 6شهور حملت وولدت وجبت بنت وبعد 3سنوات بدات معاناتي تاخر عندي الحمل رحت للمستشفى قالولي ضعف تبويض بديت بالعلاج لمدة 3سنوات والضعف يزيد والتكيسات تكثر بعدين قلت اضاهر ماينفع الا التلقيح الصناعي وسويته 9مرات دايم يصير معاي حمل وبعدين يصير اجهاض وقالتلي الدكتوره لازم تسوين اطفال انابيب يمكن فيه تشوهات بالاجنه وسويت يمكن 8مرات او 7 لحد ماصفيت على الحديده مابقى مكان ماتسلفنا منا ولحد الحين نسدد الديون الحمدلله على كل حال
وبعدين رحت لشيخ يقرى وقالي انا معي تابعه وتابعت معاه سنتين والحمدلله حسيت بتحسن
وبعدين سمعت الشيخ يتكلم مع حرمه عن وحده تروح عندها وتمرخ الحريم وعندها شهاده بتمريخ والطب البديل انا بالبدايه استغربت كل الحريم الي نروح عندهم بس خبره بدون شهاده معقوله
وسمعت الشيخ يمدحها وتقول الحرمه ان في ناس كثير حملو على ايدها بعد الله طبعا بعد ماخلصنا مسكت الحرمه وكلمتهاوسالتها هي شنو تعالج وبالاعشب اوبس تمريخ وقالتلي هي تعالج مشاكل الحريم عموما وبمختلف الاعمار وبدون اعشاب قت لها من جدك ولاتمزحين لاني جربت حريم كثير وماحسيت بفرق قالت انا عندي موعد بعد يومين تعالي عندها وشوفي واعطتني جزاهاالله خير رقم التلفون والوصف وترددت كثير بعدين قلت يلا خلينا نشوف لاني تعبت من المستشفيات ونفسيتي خلاص ماعاد اتحمل كلمتها واخذت موعد وقالتلي خلاص تعالي بكره استخرت ورحت
ايش تتوقعون بابنات صار
استنا اشوف انتو معاي على الخط