عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اخواتي من خلال تجولي بالمنتدى لقيت ان اغلب البنات يستفسرون عن المرمريه ومشكلة ضعف المبايض وارتفاع هرمون الحليب
ولذلك انا قررت ان اضع تجربتي واللي تمت بفضل ربي اولا ثم المرمريه
انا ارتفع عندي الهرمون وكان عندي ضعف بالمبايض
قالت لي الدكتوره ارتفاع الهرمون يمنع الحمل
صرفت لي علاج يؤخذ كل ثلاث ايام حبه لكن ماكنت مقتنعه اقتناع تام بالعلاج لوحده
لان لي قريبات نفس حالتي واسستخدموا نفس العلاج ولاتغير عندهم شي
عشان كذا قررت ابحث عن علاج اضافي لعلاج الدكتوره وقرات تجارب كثيره للمرمريه بانها تنشط المبايض
وبالفعل بديت استخدمها من ثالث يوم طهرت فيه من الدوره الين 15 من الدوره يعني بس شفت افراز التبويض وقفتها وتم الجماع في هاليوم
ومن يومها ماشفت الدوره واكتشفت اني حامل بفضل الله والفال لكم
انا وضعت تجربتي عشان تستفيدون يابنات
ياليت تدعون لي بثبات الحمل والفال لكم
ملاحظه : بعد استخدامك للمرمريه راح تحسين بالام في اجنابك ترى شي طبيعي
هذي نتيجة تنشيط المبايض لانها منشط قوي لاتخافون من الالام لانها بداية المفعول
ولاتنسون الدعاء بالذريه الصالحه وكل شي بيد رب العالمين
