عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
لكل وحده تبي نعووومه وبياض وانوووووووووووووثه الطريقه سهله بس يبيلها وقت وصبر
المهم
قبل كل شي
بعض الخلطات استفدت منها بنفسي وتجاربي الكثيره
والبعض منها استفدت منه من منتدى كويتيات
ومن العضوه مذهله بالذات < متعمده تذكر المنتدى والاسم
لان العضوه ماتحلل احد ينقل وصفاتها بدون ذكر اسمها واسم المنتدى
ماعلينا
اللحين بنبدأ الرحله بسم الله
(عمل حمام البخار يكون بالشهر مره)
عشان الخلايا الميته كل اسبوع تفرز في الجسم
فحتاج في الحمام المغربي
لـ صابون مغربي والحنه البيضا ( عند العطار )
وفوائد الحنه البيضا تصفي البشره وتوحد اللون مع الاستمرار..
وكوووب عصير الليمون ( لازم مع كل استحمام ) وفوائده
هم يصفى ويوحد اللون ويعقم الجسم ويطهره
الطريقه …..
1- سخني الحمام عن طريق ملئ البانيو بالماي الحار ( حسب تحمل جسمج )
وسكري كل منافذ الهواءالى ان يمتلئ الحمام بالبخار
او استخدمي حمام الساونا المنزلي في غرفه مسكره اذاعندج اسرع واريح
2- ادخلي البانيو الملئ بالماي الحارلمدة عشر دقائق ..
بعدها اطلعي واقعدي على كرسي داخل الحمام وخلي الماي بالبانيو
3- في اناء اخلطي الصابون المغربي والحناء البيضا وعصير الليمون
اخلطيهم وافركيه على كل جسمج واتركيه عليه لمدة عشر دقائق
خلال هذه الفتره .. اروحي الى الوجه وزعي الخليط عليه وافركيه حيل
وخصوصا المناطق الدهنيه منه .. واغسليه بسرررعه لان عصير الليمون يحرق العيون
كرري العمليه على الوجه مره ثانيه .. واغسليه بسررررعه
4- بعد العشر دقائق .. غسلي جسمج بالماي الحار
وابدأي بفركه بالليفه المغربيه من الاسفل الى الاعلى لتنشيط الدوره الدمويه
ابدأي بوجهج بعدين رقبتج بعدين صدرج بعدين بطنج بعدين ايدينج وبالاخير ورجولج
وبعدين نادي على اختج او خدامتتكم << قويه http://www.jaaabr.com/vb/images/smilies/vb_tongue.gif
تسويلج نفس العمليه على ظهرج
ركزي بالفرك على المناطق الخشنه بالجسم مثل الاكواع والركب
وبعد ماتخلصين غسلي جسمج بالماي
5- الحين تكون مسام الوجه متفتحه .. استخدمي عليها التقشير انا افضل
سنفرة المشمش افضل نووع وناعمه وريحتها حلوووه
وحطيها بكثره على الجسم ودلكيه عشان يتشربه عدل
بعدين غسلي جسمج بالماي الدافي وبعد ماتنشفينه
ومرري عليه قطنه مبلله بماء الوردعشان نعومه والريحه الحلوووه
ونعيما
هذي الطريقه مثل ماقلت كل شهر
اما الاستحمام اليومي في اشياء حلوووه وخفيفه
وترطب الجسم
اللي تحتاجينه
1/صابونة البابايا (عن تجربه خياااال )
فايدتها تفتح الجسم بنسبة 80%
بس انها تنشف الجسم بس عادي بنستعمل الترطيب
وماله اثر تغسلين جسمج فيها وتخلين رغوتها كثيره على الجسم وبعدها غسلي واستعملي اللي بعده
/2الصابون اليوميه (انا مسويه صابون خاصه فيني اخذتها من رفيجتي )
بس جد روووعه بذكرها للي تبي تسويها
(2 ماي ورد _ 2 صابون رقي ابيض مبشور _ 1 سنفرة جسم بالمشمش _1 فكس _ 1 زيت اللوز _ 1 زيت الجلسرين _ 1 صابون مغربي )
تخلطينهم وتحطينهم بلعبه وتخلينه عندج بالحمام ولما تتسبحين تفركين جسمج فيه بس جد يابنات روووعه
جربوه وقولولي نتايجه ..
3/ سنفره ملح الحليب هذي تلقونها عند العطار باسم اليوكا
تنعم بشكل مو طبيعي يعني لو تمشين حافيه بالبيت تزلقين من النعومه < ههههه
ومع الاستمرار تفتح الجسم
وبالاخير يكون معاج عصير الليمون خففيه شويه بالماي وغسلي جسمج فيه
مثل ماذكرت اول شي وبعدين اشطفي جسمج بماي واطلعي
وعندي طريقه استفدتها من منتدى كويتيات من العضوه مذهله
وجربتها شي خيالي والله
وهي
تبين تصير ريحتج فراوله بفراوله
http://www4.0zz0.com/2007/02/20/22/32759269.jpg
الاغلب يستعملونه المتزوجات او المقبلين على الزواج بس مافيه مانع نستعمله
لان ريحة الفراوله ماتقاوم << خخخخخخ
طبعاص من بودي شوووب
والطريقه
بعد ماتغسلين شعرج تغسلين جسمج بالتالي :
سكراب لجسمج بالفراوله رووووعه
http://www4.0zz0.com/2007/02/20/23/69395261.jpg
الشور جل مع الليفه خيال
http://www3.0zz0.com/2007/02/20/22/43847870.jpg
الصابونه فضيييعه
http://www4.0zz0.com/2007/02/20/23/53546453.jpg
و بعد ما تخلصين نعيما لحمام الهنا اللي كله فراوله بفراوله ..
تحطين بكامل جسمج بودي لوشن بالفراوله
http://www4.0zz0.com/2007/02/20/23/12132382.jpg
تحطين هالكريم بالاماكن اللي تبينها قمه بالروعه يجنن
http://www3.0zz0.com/2007/02/20/23/62336465.jpg
حطي على شفايفج قلوس بالفراوله
http://www3.0zz0.com/2007/02/20/23/57060759.jpg
بعد ما تخلصين رشي من عطر فكتوريا سيكرت اللي على فراوله
http://www4.0zz0.com/2007/02/20/23/72982380.jpg
و انعمي بالريحه الحلوه و بتكونين فراوله ..
لحد هنيه
خلصنا من الاستحمام والجسم والتعب http://www.jaaabr.com/vb/images/smilies/04.gif
نروح للعنايه بالوجه وباليدين والشعر
اول شي
انا استخدم كريم للوجه حلووو حيييل يصفي ويفتح ويشيل آثار الحبوب
وهو ماركه فلبينيه موجود عندنا بالكويت عاد ما ادري اذا متوفر عندكم بديرتكم او لا بس بقوله يمكن تحصلونه
اسمه كريم ماجيك ومعاه صابونه يعني بعد ماتغسلين وجهج بالصابونه تستعملين
الكريم 3 مرات باليوم
واذا فيه وجهج آثار حبوب بتختفي نهائياً
واهم شي تستعملين للوجه الحليب والتونك باليوم على الاقل مره وحده
واي ماركه تفضلينها اما انا افضل ماركه اولاي لانها ناسبة بشرتي
وفيه صابونه هي للجسم بس تقدرين تستعملينها للوجه وانا ذكرتها
هي صابونة بابايا هالصابونه قمه يعني خلي صابوتج هذي بدال لوكس وغيره << طيحت سوقهم خخخخ
اذا انتظمتي على هذا ماراح تحتاج بشرتج لشي ثاني عن تجربه ..
للشايف
م ك فازلين و م وسط عسل وقطرتين عصير ليمون
تخلطينهم وتحطينهم بعلبه صغيره وكل يوم قبل ماتنامين تحطين منه لاتخافين ترى لذيذ يمكن تأكلونه بعد<هههه
بس جد يابنات اسبوع راح تصير شفايفج ورديه وماتحتاجين تحطين ملمع اوغيره ..
للشعر :
لازم تعرفين شعرج شنو نوعه وتستخدمين الشانبو اللي يناسبه
لان اذا ما استعملتي اللي يناسبج بهالطريقه راح تخربين شعرج ويمكن يتحول
الي دهني اذا هو جاف او من عادي الي جاف ..
استعملي تونك اسمه سورسير تلقينه بالصيدليه رووووعه يوقف تساقط الشعر من اول مره
وللايدين
كريم بولي (بالعطار او بالجمعيه) مع كريم فازلين الوردي اخلطيهم مع بعض
واستعمليهم وبتشوفين شلون بتصير ايدج بتدعيلي ..
اما للرجول
تلقون بالجمعيه ماركة همالايا عندهم شغلات حلووه
بس اللي نفعني حيل كريم للقدم مكوناته كركم وملح ومااذكر بعد شنو
بس تحطينه وتلبسين دلاق وبتشوفين شلون تصير ناعمه وورديه ..
وبسسس
هذا اللي عندي واتمنى افدتكم بشي جديد
