لقيت ماركات المكياج رخيصه

بسم الله
اولا بنات هذي اول مشاركه لي في المنتدى عشان كذا ابيكم تردون علىموضوعي ولا تفشلوني:P
انا ودي افيدكم يابنوتات مثل مااستفدت لقيت محلات في الرياض فيها اغلب الماركات العالميه لا ورخيصه بعد دلتني عليها وحده من صاحباتي الله يجزاها خير
يعني مثلا وحده من بنات المنتدى منزله صورة الديرما كول الاصلي والرقم التسللي تبعه وتقول شاريته من الصيدليه بثمانين ريال تدرون بكم لقيته عندهم والله شريته بثلاثين ريال والاصلي بعد لاني اخذت الرقم التسلسلي معي اخاف يكون رخصهم عشا مو اصلي ولقيت عطر الين وحده من بنات المنتدى مادحته الله يجزاها خير وتقول انها شاريته ب200 وانا شريته ب165والله يابنات لقيت عندهم اشياء وااااو جنان بغيت اضف المحلات من رخصها لاوماركات لقيت مارة كريولاين وكريستيان ديور واف سان لوران وووو…………….الخ وشاقول وش اخلي
الى متى بيلعبون علينا وجوه وغيرهم يعني بدال ما ادفع الفين ادفع الف والباقي العبه ➡ يازين الاقتصاد بس…………..استهبل ترى موتطبون علي تهاوشوني تراي مااتحمل 😐
المهم الحين ونجي للزبده وين هذي المحلات وييييييييين ياترى خخخخخخخخخخخخ

شكلكم بتذبحوني مو تهاوشوني وبس هي سمنكم الله اقصد سلمكم الله في شارع في الرياض اسمه شارع السويلم الشارع كله عطورات وادوات تجميل وكريمات العنايه بالبشره ووشامبوهات و………..الخ يبيع بسعر الجمله
يالله عاد الحي ياويلكم تدخلون ولاتردون