لقلء صحفي مع ابوي بالصور لمحبي الترااث

كح كح

فيه غبار هنا ماتلاحظون؟؟؟

قبل امس

قلت لأبوي:
يبه ابي انزل اشيائك القديمه

قال يالله

استانس ابوي على هالفكره

قالي بوريك الأجهزه وبكره بوريك العملاتقلت يالله
اخذت معي جوالي ورحنا للسطح

فيه غرفه في السطح

فيها كل هالأغراض

من متى شريته

قال: قبل لاتنولدين

له عندي اكثر من 19 سنه

شريته من واحد من اصدقائي
في البحرين
ابوي من يشوف تراث خلااااص

بيشتريه لو بمليون

شافه قال من وين جبت هالرادو

قال صديقه شاريه من واحد

شراه ابوي

كثيرين يبون يشترونه من ابوي

قلت: وش هذا؟
قال: هذا الرادو كان مركب في غرفتنا انا وامك

بس لما جيت اغيرها

اخذت الرادو

قلت تسمعونه؟

قال: احيانا

قلت: ياعيني عالرومنسيه

قال: كنت اسمع الأخبار

قلت: اها.. 😥 ..طيب كم عمر غرفتكم الأوله

قال: اكثر من 22 سنه

اسمه بَكــــم

سألته: واااااو هذا الي في توم وجيري

قال: ايه هذاهو

قلت: كم عمره

قال: والله انا شريته من واحد قبل 23 سنه بس عمره ماادري

قلت: عمركم سمعت فيه شي؟؟

قال: لا مالقيت اسطوانات هذا قديم مررره

قلت: انت شاريه من وين؟

بس من برى

طبعا اكيد بتتسألون ليش انا تحت وانا اصور

ابوي الله يسلمه

مطلعه فوق المكتبه

سألته: شلون طلعته

قال: اخوانك شالوه معي

قلت: هالي على جنب رادو؟

قالي: ايه

قلت: ياحبك للراديو

ضحك

قالي: هذا عمره 20 سنه لالا اكثر من 20

قلت: كم؟

قال: يمكن 22 سنه

قلت: ليش شريتوه؟
قال: قبل لانروح للبحرين شريناه نحط فيه البطانيات واغراضنا

قلت: طيب ليش محتفظ فيه مع انه فاضي
قالي تراث يابوي

قلت: تقول امي انك نزلت ابريق قديم وغسلته وصلحت لك فيه شاهي صح؟

ضحك : والله كأنه جديد ماتصدقين انه له اكثر من 20 سنه

قلت : وينه

قال: تحت بالمطبخ

نزلنا وانا على الدرج سألته

ليش اكثر اغراضك لها حدود العشرين سنه

اذا زادت زادت سنتين او ثلاث

ليش ماعندك بحدود الخمسين سنه

قال: هوايتي ماطلعت الا قبل عشرين سنه.. بس المهم مب من متى وهي عندي المهم كم عمرها
قلت: تعرف اعمارهم؟

قال: بالظبط؟ لا بس الي اعرفه انها من زماااااااااااان

قال: وشلون يعني؟

قلت: اقصد المطبخ مب تراث؟ ليش ماتحط خيمه كلها تراث؟

سكت

قلت: بس تصدق؟ والله حلو يعني موب مشخ ولا شي كأنه جديد
قال: هذي ابريقاتنا قبل لاتجين لنا

قلت: باقي شي؟؟

قال: لا بكره تعالي واريك العملات

قلت: اوكي

طبعا ماحبيت انزل الموضوع كذا

ابيه كامل
اليوم رحت له

وفتح لي ملفين

وفيها جمييييييع العملات

ملف عالمي
وملف خليجي

قلت: ابغى بس السعودي

طلع لي

قالي: هذا في عهد الملك سعوود كان مسوي فلوس خاصه بالحجاج

هناك يتعاملون بهالفلوس

قلت: انت حاج في عهد الملك سعود

قالي لا هالفلوس اشتريها

قالي: هذا ريال الملك فيصل

قلت: ياحبي له احبه

قال: اكيد هذا حبيب الكل الله يرحمه

شهقت: مية الملك عبد العزيز؟؟؟؟؟

قالي: لا مية الملك خالد بس هذي صورة الملك عبد العزيز

قلت: مامعك شي للملك عبد العزيز؟

قالي: معي خمسة الملك عبد العزيز

راح يدورها ولا لقاها

قلت: خلاص مب لازم
قالي: لالا انا متأكد فيه احد اخذها

قلت: خلاص يبه انتهى اللقاء

قالي: خلاص روحي انا بدور الخمسه؟؟ وين راحت

طلعت وهو يقلب الغرفه قلب

ابصراحه حلو ان الواحد يكون عنده اشياء قديمه

تراثنا مره حلو

هذوليك اليومين الي ابوي قص لي قصة حياته ومغامرته معي

كانو حلوه

ياحلاة الماضي

ترى هالموضوع تعبني

اتمنى الاقي ردود

دمتم بود سوجو