عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مساء الورد
وحشتووني يا احلى بنوتات يارب تكونو كلكم بخير 
عايزة اتكلم عن موضوع انتشر اوي اليومين دول بين الشباب يعني موضه جديدة هي لغة اسمها الفرانكو اراب
اللغة دي انتشرت جدا جدا لما تكلمي حد ع الايميل او الفيس او الشات ف كل مكان
للي مايعرفهاش هي لغة وسط بين الفرنساوي والعربي يعني مثلا لو عايزة اكتب لحد
ايه اخبارك وحشتيني? اكتب كده
eh a5bark wa7ashtiny
طبعا لها اختصارات يعني حرف ح مثلا بيكتب 7
حرف خ 5
حرف ع 3
في رايين في الموضوع ده الاول انها موضة خايبة وبتنسي الناس العربي وبتهدم اصول العربي والانجليزي كمان وان اللي عايز يكتب انجليزي يكتب انجليزي بحقيقي مش متعرب 
والراي التاني انها مجرد نوع من انواع التطور وانها اسرع ف الكتابة و بتوفر الوقت وبتسهل على اللي بيكتب مصطلحات انجليزي كتير بدل ما كل شوية يغير الكي بورد ويحصل له زي الايموشن ده 
وميزة تانية مهمة جدا انه لما تبعتي لحد رسالة من موبايلك بيوفر بردو في الكتابة عن العربي عشان بيبقى لكي 160 حرف مش زي العربي 60 بس ^_*
ايه راي بنات النيل ف الموضوع ده ؟
