عالم البنات النسائي كل ما يخص المرأة العربية من ازياء وجمال والحياة الزوجية والمطبخ
3-كرات البطاطس بصدور الدجاج
تقطعين بصل وثوم وتحمرينه مع شوي زيتوحبة ماجي
وبعدين حطي عليه صدور الدجاج وقلبيه عالنار لحد ماينضج وقطعي معاه فلفل بارد وحطي عليه بيالة شاهي قشطة خفق
وعلى طول طفي عليه النار
اسلقي 4 حبات بطاطس وبعد ماتستوي اهرسيها بالشوكه وحطي عليها ملعقة فلفل اسود وحبة وسط جبن تشدر
بعدين كوريها كور صغيرة
صبي الدجاج باسفل الصينيه البايركس وبعدين كور الدجاج
اخلطي بالخلاط علبة قشطة عاديه و2ملعقه مايونيز و2 ملعقه جبن سائل صبيها عالوجه ودخليها تتحمر
وبالهناء والعافيه
4- ورق العنب طريقتي اعتياديه ورق عنب بالرز المصري واللحم المفروم
5- سبرينق رول محشي دجاج وخضار مسلوقه
وبعدين احشيه ولفيه وخليه بالفريزير لحد مايبرد
طلعيه وحطي شوي زيت مقدار فنجان قهوه بطاوة تيفال صغيرة وقلبي فيه السبرينق رول يعني تشويح فقط
عشان مايشرب زيت
6- كفتة باللحم المفروم
لحم مفروم فلفل بارد-كزبرة -صل اخضر – قرن فلفل حار-تفرم الخضار فرم ناعم وتوضع مع اللحم وتوضع البهارات والملح تكور وترص في البايركس مع شرائح بطاطس
في الخلاط حبه صلصه حبه ماجي كاس ماء دافي تخلط وتصب فوق الكفته
وتغطى بالقصدير وتدخل الفرن حتى تنضج وتنشف المويه
وتقدم بالهناء والعافيه
7-اخيرا مندي اللحم:
انا سويت ربع تيس صغير
تغسلين اللحم وتطبخينه في مويه وثوم فقط تضغطينه بالكاتم لمدة ربع ساعه
بعدها تطلعينه من المرق وتقطعين بصل ابيض حلقات
وتقطعين حلقات فلفل بارد وتبشرين معها حبتين جزر
وتقلبينها مع شوي زيت وصبغة زعفران تحطين معها اللحم وتقلبينها 10 دقايق وبعدين حطيها بصينيه ودخليها الفرن يتحمر وجهها
حطي بنجال شاهي زيت وحطي بوسطه جمره وحطيها بسرعه مع اللحم واطتميها بالقصدير
وخلي 10 دقايق وطلعي الجمره
على مرق اللحم اكبسي الرز وحطي معاه ورق غار وحبتين هيل وعود قرف
وحضري الرز بصحن الرز وحطي فوقه اللحم بكشنته
حمري زبيب وصنوبر وكاجو حطيه عالوجه
ويطلع لك الذ مندي
اما اذا كان المندي دجاج
قطعي الدجاجه ارباع
اغسليها وتبليها بملح خشن وثوم وبهارات مشكله
ولون الزعفران
اتركيها نص ساعه تاخذ التتبيله
حطي الكاتم عالنار وحطي بقاع الكاتم فنجال زيت وبعدين قطعة قصدير صغيرة
وخلي الكاتم عالنار لين يسخن مررررره
وبعدين لصقي الدجاج على اطراف الكاتم واضغطي عليه وخليه نص ساعه على نار صغييييييييييره
وبعدها فكي الضغط حطي فنجال زيت بوسطه جمره وخليه 10 دقايق
وتلذذي بألذ مندي:P
