لحديثي عهد بالحمـــــــــــل

السلام عليكم ورحمةالله وبركاته
الحوامل الجدد هذي نصائح من تجربتي الخاصه من الطلق الى اخر الاربعين واتمنى تستفيدون

اول شي الطلق:(كثري المشي)
انا مااخذت من التاسع كثير ولله الحمد لاني قبل مااولد بثلاث ايام كنت قاعده اشتري اغراض النفاس ولفيت الاسواق كلها بثلاث ايام من العصر الى الساعه 11 رجعت عالبيت نمت بعد (جماع)ترا الجماع يساعد بعد الله وماكان فيه أي طلق
صحيت من النوم على الساعه 2 وفي الم في بطني غريب >>ملاحظه( أي احد يقلك الطلق زي الم الدوره لاتصدقينه)الم الدوره غير والطلق غير المهم اذا جاك الم اول مره تحسينه بحياتك ويروح ويجي فهوه طلق انا بكريه ماكنت اعرف ولاشي بس الحمدلله ربي يسر
اذاحسيتي بالطلق موعلى طول تروحي المستشفى استني شوي اذاشتد بحيث انك معد تقدرين توقفين وقتها روحي للمستشفى عشان اذا رحتي ماتطولين ولااحد يلعب فيك وحاولي تمشي وشدي على نفسك عشان ترتاحين وطول ماانتي تطلقين بعدي رجولك عن بعض لازم لازم عشان ينفتح الرحم
الان دخلتي الكشك ادعي الله واستغفري وقولي اللهم اني استودعك نفسي وطفلي راح تجلسين عالكرسي
ويشقونك من تحت مابتحسين لانك مبنجه عشان يسهل خروج البيبي بعد الله
اذا بديتي تدفعين وهذي مرحلة خروج البيبي لاتصرخين عشان مايروح مجهودك بالصراخ شدي على تحت وانتي ساكته بدون صياح عشان مجهودك يكون كله بالدفع طريقة الدفع كان عندك امساك وتنزليه بس على اقوى
الحمد لله ولدتي وراح تحسين براحه كبيره الحين جهت الشق ماتقدرين تمشين عليها لانها مخيطه حاولي تمشين بشويش عشان ماتنفك خياطتك وتنفتح
المرحله الاولى من النفاس:
الاكل لازم تاكلين كل شي مفيد شوفي برنامج فيافي حلو ويفيدانا مالتزمت فيه كله بس استفدت منه
النظافه الشخصيه مهمه وسوي اللي تقلك عليه الدكتوره وبس لاتزيدين من راسك ولا ترابتسوء حالتك
واهم شي التنشيف من المويه لازم عشان الجرح يبراوحطي بعده الكريمات اللي اعطتك هيه
فيه اشياء مهمه انا طحت فيها ومااتمنى أي وحده تطيح زي
*اذا مر عليك اسبوعين او اسبوعين ونص وتحسين فيه الم محل الخياطه والجرح مالتئم ولاطاحت الخيوط
لاتستنين على طول روحي الدكتوره عشان ماتنتكس حالتك وتصير الخياطه الامها اخص من اول
لانه بيكون فيه غلط بالخياطه
* والملح اذا بتتنقيعين فيه لاتطولين ولاتكثرين لانه بيشد الخيوط وبتشوفين الم بيطلع من عيونك خذي من الصيدليه تجيكي كميات ملح على نسب من المويه انتي تحطينها
اذا خلصتي 25 يوم وانتي بصحتك وعافيتك الحمدلله بكذا تكوني عديتي مرحلة الخطر
الحين فكري في نفسك وش بتسوين بعد الاربعين لانك بكذا عديتي مرحلة الخطر بس مومعناته انك خلاص تعافيتي ميه بالميه لا باقي
المرحله الاخيره من النفاس
انتبهي في الاكل لانك في المرحله هذي جسمك بيفرد لاتكثيرين بالارزاز والغازيات لانها بتنفخك وتطلعلك كرش عالفاضي
سوي رياضه عشان شوي جسمك ينشد
غيري في استايلك خلاص انتي عروس من جديد اشتري لانجري جديد
عشان تحسين بالحياه بعد تسع شهور من التعب والعناء
حبيت افيد الامهات الجدد لاني زيكم ام جديده وتمنيت الاقي نصائح زي كذا
الله يقوم كل حامل بالسلامه يارب العالمين
ولاتنسون ادعولي انا وولدي ربي يحفظه لي
تحياتي