عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
أخواتي الغاليات
اسعد الله مساكم بالخير والمسرات
هذي اول مره تقريبا اكتب موضوع هنا وماحدني للكتابه الا تلك الصديقه العظيمه
واللي مو قادره اشوفها بها الوضع وما اساعدها بأي شي
وبما انه انا هنا فأكيد انتم اخواتي واذا قدمتم لها العون والمساعده
كأنه انا من قدم لها هي…
ما أبي أطول عليكم
مشكلتها بإختصار
صديقتي متزوجه من 6 سنوات تحب زوجها وزوجها على حسب ما تقول انه يحبها ومو مقصر معها بشي
اللي تبيه يلبيه .. وهي كمان بصراحه ماهي مقصره معاه باي شي والله ما اقول ها الكلام لانها صديقتي يشهد علي الله انها انسانه بجد تستاهل المعامله الطيبه من الكل
قبل كان يعرف ويتكلم مع بنات وكانت كل مره تكشفه فيها تواجهه بالصوت العالي وينخ ويعترف
ويحلف لها انه انتهى وماعاد فيه اي شي …
تقول الحمدلله مرت فتره وقلبي مرتاح لانها متأكده انه انصلح حاله …
الحين لها اكثر من 6 شهور وزوجها متغير عليها وتحس بها الشي تقول واجهته اكثر من مره بالتغيير
ويكون ردة فعله مافيني اي شي …انتي اللي متغيره
الين ما اكتشفت انه يعرف وحده ومطلع لها جوال خاص فيها…بس ماكان فيه دليل عندها
واجهتته وكالعاده بالصوت العالي نكر وحلف انه مافي اي شي وانها تتوهم ويرجع يقول لها حركاتك تنفرني من البيت وانا ماعدت مرتاح في بيتي ومن ها الكلام …
مسكينه ترجع في الاخير تعتذر منه برغم انها متأكده انه يكذب عليها بس شتسوي يحلف لها انه مافي شي وهي متأكده منه…
المهم قبل امس اتصلت فيني وكلمتني … نور انا عرفت وتأكدت 100 بالميه ان زوجي يعرف وحده وعندي دليل طبعا دليلها قوي ..
قلت لها طيب شبتسوين ؟..
قالت راح اواجهه ها المره بس معرف شسوي وشقول
هي من النوع العصبي جدا جدا وما تتحمل انها تشوفه قدامها متهوم مع سبق الاصرار والترصد على قولتهم
بعد ماحلف بالله انه ما يعرف احد …
حسبي الله ونعم الوكيل بس…
المهم انا نصحتها انه تتكلم معاه ها المره برواقة بال وتختار الوقت المناسب اللي يكون فيه رايق …
وقلت لها جهزي له ليلتك والبسي واتكشخي وتعطري
وكوني قمر 14 …
وابدأي معاه الحوار
..
قالت معرف شقوله ومن فين أبدأ وكيف اقدم له دليل كشفي لخيانته لي
لاني لو بديت بكلمه انهار ومعرف اتكلم بهدوء ساعتها
(( بيني وبينكم انا معرفت شقولها لاني ماقد مريت بها الموقف الحمدلله ))
اللي هي تبيه الحين واللي قررت عليه انها راح تعمل بنصيحتي بس ناقصها اسلوب الحوار
لانها ماتعرف كيف تدخل له وايش تقول له في البدايه
اتمنى منكم مساعدتها … بأسلوب يتفق مع الموقف
وانا واثقه انها بتلقى الحل عندكم…
جزاكم الله كل خير
………..
