لتعطير المنطقة الحساسة

طريقتي هي ببرش المسك بمبشرة الجبن ( ما افتته )
اولا اشطف المنطقه بماء ورد او ماء زهر وما اجففه وبعدها اسوي طريقتي
وآخذ فوطه صحيه ( الفوط النسائيه للدوره) مكرم السامع
وافتحها بمقص مثل المحشي ( اذا تعرفين تطبخين بتعرفين قصدي )
وتصير الفوطه مثل الصندوق المفتوح على جنب
واحط فيها اللي بشرته من المسك واسكر الصندوق (اقصد غطاء الفوطه الصحيه )
عرفتي الفكره؟ والبسها عادي
لاني ماحب شي يلمس جسمي مسك او غيره
وبهالطريقه الجسم يمتص ريحة المسك ويتطيب وتلصق فيه الريحه
لاتنسين ان بهالطريقه تحافظين على المنطقه جافه بلا رطوبه وبنفس الوقت تستفيد من المسك المبشور
كما ان طريقة تذويب المسك في قليل ماء ورد حلوه ولكني ما اسويها
وافضل بدالها وضع لافندر /خزامي مطحون في كوبين ماء ورد مغلي
واتركه ساعه وبعدها اشخله واستخدم المنقوع لغسل المنطقه وهذي الطريقه تخلي المنطقه رائعه وطيبه بريحة اللافندر
وهو مطهر رائع ويحافظ على المنطقه لثاني يوم
وممكن استخدام البودره اللي شخلتيها وتحطينها في صندوق من الفوط الصحيه بطريقتي
وتلبسينه ساعتين على الاقل قبل النوم وبعدها تصيرين كلك ورد في ورد