لا والله ماني مصدقة انا شفتهم بعيوني والله شفتهم بعيني وانا صااااحية

لا والله ماني مصدقة لاتقولون لي خيال والا تهيؤات والا هذا اللاوعي:(

انا تعودت صحيح يكون تهيؤات بس لما اكون داخلة على غفلة ونايمة

انا توني صاحية واحكي لكم موقف صار لي اكثر من 20 دقيقة يعني ثلث ساعة وانا بصراع وقراءة قران والله يابنات انه بالحرف الواحد احكي لكم قصتي 😆

انا ماجاني نوم وكانت عندي بنت اختي تنط وتتكلم صغيرة لها سنتين وتسولف مع امها وامها عندي نايمة بالسرير بس من الجهة الثانية يعني بيني وبينها مسافة مترين هي بسرير وانا بسرير

واليوم وانا اناظر الساعه 12 ونص لاختي الصغيرة والا فجاءة فيني شئ يكبس على صدري ويضغط علي بالحيييييييل قسم بالله جاتني صدمة نفسية 😆 🙂 يابنات وانا صاحية والله العظيم مانمت ولا غطت عيني كل هذا صار وانا صاحية تقريبا ربع ساعة

والا يزيد يضغط علي بقوة حتى قفصي الصدري بيتكسر وانا بديت اقرى سورة اذا زلزت الارض زلزالها كنت حاسة انه الجاثوم وفجاءة وانا احرك لساني في احد سكر على فمي وثبت ايديني وارجولي والله اني احس بهم وانا صاحية قسم بالله العظيم حسيت بمسكة ايديهم لرجولي ويديني وفمي

وحاولت ارفع من جسمي لفووق ماقدرت وضليت منسدحة قلت اكيد زي كل مرة راح يرووح هذا الجاثوم لاني تعودت على الجاثوم وانا نايمة يصير معي كذا بس المصيبة كان كل شئ وربي وعيوني مفتحه والا قسم بالله والله الذي لا اله الاهو

الا ويزيدون ضغط علي بقوة وتطلع وجيههم قدامي اكثر من شكل قسم بالله اشكالهم كانت خفاش وحاولت اقرى لو بقلبي قسم بالله الا واحد منهم يمسك قلبي فوق ويحركه ويوجعني بقوة بضغطة علي وانا ماقدرت اتحرك ابي اصيح ابي اصرخ 😳 كانت كل نظراتي لاختي اللي بجنبي كنت حاسة انها راح تشوفني وللاسف ماكنت تصحى للي وتنتبه لي

وانا قربت ابمسك يد اختي والا قسم بالله يبعدون يدي عنها ويضحكون يضحكون اصواتهم بالضحك مزعجة مووووووووووت كانهم بكـــهــف يصارخون والله العظيم اصواتهم فجرت اذاني وانا من الرعب وهول الموقف انتفض من السرير احاول افك نفسي احاول افك نفسي وبقوة انتفض اشوفهم وربي اشوفهم يضحكون اشكالهم زي الخفاش وانيابهم طوااال 😉

ومنظرهم بشع مرررة ويطيرون بكل الغرفة خفافيش تطير وخفافيش قدام وجهي ويزيد الضحك والصراخ وضغطهم علي لدرجة حسيت نفسي دخلت جوا السرير اشوف انهم غرقوني داخل السرير قسم بالله صار كل شئ وانا عيوني فاتحة وانا انفجر بكل مافيني من قوة واصرخ اصرخ اصواتهم كانت مرعبة وقعدت اصرخ والا كلهم يطيرون عني انا شفتهم يوم طاروا ثقلهم هذا راح عني شفتوا يوم تطير العصافير والله شفتهم بعيني يوم طاروا وقعدت اصرخ وصحت اختي الكبيرة تسالني وماقلت لها الا يوم طلعت من الغرفة

قالت لي اختي انا والله صحيت على هزك لسرير احسبك تعدلين نومك صارلك اكثر من نص ساعه وانتي تهزين السرير واسالك انتي صاحية وانتي ماتردين علي احسبك نايمة بس حركتك كانت كثيرة مرررة

وانا دايما يصير لي هالشئ بس هالمره كان اقوووووى كثيييييييير

هذا اللي صار معي وماني قادرة انساه وتعباااااااااااااااااانة مووووووووووووووووت 😡

وصدري للحين انا متوجعه منه بالقوة قفصي الصدري بيتكسر من الوجع والله اني ماقدرت اتحمل اكمل انام ومن صعوبة المنظر قمت وبكي

ومواصلة الحين الساعه وحدةوبكرة عندي دوام وتعبانة مررررررررررررررررررة من اللي صار لي