لا..لا…مااصدق في بنات الى الان ماخذو العظه والعبره من غيرهم

اخباركم ياحلوييين؟؟؟
مع المطر اللهم اجعلها سقيا رحمه لا سقيا عذاب يارب العالمين

امم لي قتره وانا ابي انزل هالموضوع بس طبعا من العجز مانزلته الا اليوم
الموضوع شوي طووييل يابنات فرجااا خاص تقرونه للاخير لانه مهم مهم مررررررررررره
المهم ندخل بالموضوع

لا..لا..مااصدق الى الان في بنااات كذا واحنا بالقرن الواحد والعشرين؟؟

جد يابنات لا ..لا..مااصدق ان في بنات بالقرن الواحد والعشرين كذا

صراحه انا اعتبر ان البنت اللي في هالزمان وتقع في هالشي ساذجه او بالاصح غبيه<<معليش اعذوروني ع هالالفاظ
لانو جد اللي ماتاخذ عظه وعبره من غيرها ولاانسى ان هذا القسم
القسم شهد الكثييير والكثيييير من هذولي البناااات
وقصصهم ومآآسيهم

غير اللي نسمعه ونشوفه بالتلفزيون واو بالجرايد

طبعا موضوعي هو عن البنات اللي تقع ضحيه شاب عفوا قصدي<<ذئب بشري

ياآما قرينا وياما سمعنا عن هالبنات وطبعا النهايه وااااااااااااااااحده
تنفضح
وتخسر شرفها
وسمعتها
وسمعت اهلها
والثقه اللي منحوها اهلها لها
وممكن تحمل ويصير في احشائها جنين ماله ذنب باللي صار تولده ترميه عند مسجد او سوق ويصبح طفل مجهول الهويه لا اب لا ام فاقد الحنان من صغره في داخله جرح كبيييييير للاسف من المفروض اللي يكنون اقرب الناس له اللي هم امه وابوه اللي غلطوا زي مايسموها البعض<<غلطه عمر او <<زله
والضحيه هو طبعا
ويطلع على هالدنيا ويبدا مشوار العذاب مع مجتمع لايرحم

الا من رحم ربي وانقذها وفتحت عيونها قبل مايطيح الفاس بالراس

وصدق احمد شوقي يوم قال

نـظـرة فابتسامة فسلام ………… فـكـلام فـمـوعد فـلـقـاء

لاتقولين
لا بس انا اسلي نفسي انا ماآآني غبيه مثل البنات واطلع معاه
لا..لا… مسحيل اعطيه صوري
مستحيل افتح الكام واخليه يشوفيني
مسحيل اعطيه رقم جوالي

تدرين ليش لان الشاب <<قصدي الذئب البشري
مكار وذكي
لان اول شي بتكلمينه مثلا بالشات طيب راح تبقين معاه مده نقول تحكون بمواضيع عاديه
بعدين تاخذين ايميله وهو ياخذ ايميلك
ممكن تقعدون مده طويله تحكون عن مواضيع عاديه الى ان يحس ان قلبك بدا يميل له
بعدين تلاقينه يقولك يووه يافلانه احسنك انتي الوحيده اللي ممكن تفهميني واقولك عن اسراري واستشيرك
هنا يبدا قلبك يميل له اكثر
بعدين بيقولك ايش رايك تعطيني رقم جوالك ودي اسمع صوتك مشتاقه لصوتك الحنون
طبعا بتقولين لا اهلي مايرضون ومن هالكلام
بيقولك تكفين اذا كان اسلوبك كذا اجل صوتك شلون
بس ابي اسمعك لمده ثواني عشان اطرب سمعي ومن هالكلام
المره الاولى بتقولين لا
المره الثاني بتقولين اممم افكر <<<طبعا مع استمراره ع الكلام المعسول واصراره ع سماع صوتك
المره الثالثه بتعطينه رقمك وانتي خايفه
بيتصل عليك يسمع صوتك
بعدين بعد فتره انتي اللي راح تتصلين عليه
ويبدا الهيام والشوق والغزل
والكلام اللي يذوب الصخر
ويبدا يأرنب عليك<<يعطيك من ابو ريالين ع قوله خالي<<يووه يعني يكذب عليك للي مافهمت من اول مره
وانا احبك وانا ماقد كلمت احد غيرك<<الله من النصب تلقينك انتي الرقم 890بعد الالف

وانتي زوجه المستقبل>>كم مره قالها لوحده غيرك<<<وربي انه كذاااااااااااااااااااااااب
وانتي الغاليه وانتي الوحيده في قلبي<<كثر منها يالحبييب
وانتي خلاص ذبتي وبديتي تعشقينه لدرجه الجنون ماتتحملين تقعدين نص ساعه بدون مايكلمك او حتى ماتسمعين صوته
ويبدا قلبك يصير كذا

ولما خلاص تتعلقين
تبدا تقل اتصلاته واذا كلمك بدل مايقعد معاك ساعه تصير ربع ساعه
وعذره مشغول ,,مسافر,,,ومن هالكلام
وممكن يطلب منك شحن لرصيده
لين يجي اليوم ويقولك يافلانه انا خلاص مافيني صبر ابي اشوفك
طبعا بتقولين لا مااقدر
بيقول بس ارسيلي صوره وحده ماراح تضر
وبعدين عشان اشوفك مو انتي بتصيرين زوجه المستقبل<<طبعا هذي من اكبر كذباته
ويبدا يحاووول معاك لين يلين راسك وترسلين له صوره
او ممكن يهددك انه مسجل لك مكالمتك وراح يفضحك عند اهلك
وبتظطرين ترسلين صورتك
وبعد ماترسلينه يبدا يقولك واوو انتي مررره رووعه وجميييله و… و..
بتقولين جد
بيقول اكيد اعمري
بتفتحين معه موضوع الزواج بيقول اكيد انا اليوم قبل بكره راح افاتح اهلي بالموضوووع<<طبعا كله كذب×كذب.
وبعدين انتي بتقولين له تكفى يافلان امسح صورتي خلاص بيقول اكيد ياقلبي انا مسحتها ع طوول <<<كذااااااااااااااااااب
وبعدين يبدا معاك فتره بالكلام المعسول ويبدا يخليك تتعلقين فيه اكثر
طبعا ممكن تتمد العلاقه بينك وبينه اشهر سنه سنتين 4سنين ع حسب متى مااخذ مبتغاه منك بيروح يدور وحده غيرك هذا اذا كان شابك الخط مع اكثر من وحده
لين يجي اليوم اللي يقولك ابيك تتطلعين معي!!طبعا بتقولين مستحيل ولا وماارضى و..و…….
وهو بيقولك بكل بساطه والابتسامه تعلو محياه
اذا ماطلعتي معي معي صورك ممكن ارسلها لااي احدمن اخوانك او ابوك وافضحك
او عطيني المبلغ الفلاني وافكر اني ماافضحك ومممكن تعطينه الفلوس وبعد فتره يرجع مره ثانيه يطلب
طبعا بيكون عارف تاريخ العائله من اوله لاخره بحكم انك راح تكونين زوجه المستقبل فلازم ياخذ اسمك واسم اخوانك وابوك <<<هذا المفتاح عشان يهددك فيه

بتطلعين معه بتروحون شقه او اي مكان ويصير اللي يصير

وتخونين اهلك وتخسرين شرفك وقبل هذا كله عصيتي الله سبحانه وتعالى
هنا
يطيح الفاس بالراااس
وهنا
اذا فات الفوت ماينفع الصوووت
بتقولين له يافلان تكفى تزوجني استر علي انا خلاص ماعاد صرت بنت شلوون اهلي بينفضحون اخواني بيذبحوني
بيقولك اصبري علي افاتح اهلي بالموضوع
بعدين بيقولك اهلي مارضوا
ابوي مارضى يبغى يزوجني بنت عمي
وغيرها من الحجج والاكاذيب
واذا اصرت عليك بييقولك فلانه انتي ماتستاهلين انك تكونين لي زوجه وماانتي كفوء
بتقولين ليه مو انا اللي حبيتك وانا زوجه المستقبل وانا اللي وعدتني نعيش بسعاده وخططننا لمستقبلنا ومستقبل اولادنا
بتدرين وش رده فعله بيقول اسمحيلي اللي طلعت مع واحد ممكن تطلع مع عشره غيره واللي ارسلت صورها لواحد اكيد انها مرسلتها لغيره واللي خانت مره ماعندها مشكله تخون اكثر من مررره
وهذا مقطع من برناج رات عيني يسال احد الشباب ليه ماتتزوج البنت اللي كنت تكلمها شوف رده على المذيع مع انه له اربع سنوات متعرف عليها
YouTube – ‫طھطµط±ظٹط­ ظ…ط¨طھط² : ظ…ط§ ظ‡ظٹ ظƒظپط، ط£طھط²ظˆط¬ظ‡ط§ طںطں – ط±ط£طھ ط¹ظٹظ†ظٹ‬‎

وهذا مقطع ثاني تخيلو يقول لها انبحي زي الكلب عشان اعطيك صورك شوف كيف الابتزاز والذل اللي خلها فيه

YouTube – ‫ظ…ظƒط§ظ„ظ…ط© ظ…ط¨طھط² ظ„ظپطھط§ط© : ط£ظ†ط¨ط­ظٹ ط²ظٹ ط§ظ„ظƒظ„ط¨ !! | ظ…ط¤ظ„ظ…‬‎

واخر شي هذي نصايح مني لكم وبعض الاسباب اللي ممكن تخلي البنت تنجرف وراء هذا التيار\
1-ضعف الوازع الديني والبعد عن الله
2- ممكن تكون مالقت اهتمام او عاطفه من امها ابوها اهلها المجتمع بالااصح فراغ عاطفي
اذا حسيت نفسك ان مالقيت الحنان والعطف من احد وعندك فرااغ عاطفي فرغيه في عبادتك لله والتقرب اليه من صلاه وصدقه واعمال صالحه وصيام ادعي الله انه يبعدك عن الحرام خلي قلبك متعلق في الله ادعي الله ان يرزقك الزوج الصالح
3-صديقات السوءانتبهي يااختي من صديقات السوء ترى الصاحب ساحب
يعني اذا تعرفت ع ناس كذا انصحيهم ان اهتدوا الحمدلله اذا مانفع معهم ابتعدي عنهم ع طوووول حاولي بين كل فتره وفتره تعطينهم نشرات كتب اشرطه ارسيلي له بالايميل رسايل توعويه دينيه
4- في بنات مجرد تسليه او تحدي من بعض صديقاتها
انتبهوا هذا الشي مافيه لععععععب اببببببببد
5-ممكن عن طريق شات ومنتديات مختلطه يرسلها رساله ع الخاص انه اعجب بااسلوبك وكتباتك ومن هالحكي وتبدا تتطور علاقتهم
انتبهي اذا مسجله بمنتديات مختلطه لاتقبلين أي رسايل من هالنوع خلي ردودك ومواضيعك رسميه جدا جدا

اخيييييييييييييييرا\
بنااات اي وحده قبل ماتقدم ع هذ الشي تحط ببالها انها راح تعصي ربهاوهذا اهم شي يعني تخيلي مهمها امتدت علاقتك او قصرت مع هالذئب راح تكونين طووول الوقت هذا عصيتي ربك فيه
وراح تخسر شرفهااللي يعتبر اغلى شي عند البنت
راح تخسر سمعتها وسمعت اهلهاوحتى قبليتها تدرون ليش لان الناس ماتنسى بيقلون ايه هذي اللي عندهم البنت اللي طلعت مع واحد ذييك السنه
واذا وقعت في هذي المصيبه لالا تردد تبلغ الهيئه وبااذن الله راح يسترون عليها
واذا احد من اهلها متفهم وعاقل تفاتحه بالموضوع
وحذاااري من الارقام الغريبه اذا رديتي ولقيته رجال وقلتي له انك غلطان ومازال يتصل لاتردين عليه اسفهيهه او عطيه احد من اخوانك ابوك يتفاهم معه اودقي ع الشركه اللي مشتركه فيها سواء اتصالات موبايلي أي شركه عندهم خدمه المعاكسات
اتصلي واسالي عن الخدمه وهم راح يعطونك خطوات تسوينها عشان ترسلين الشكوى وبعدين يتفاهمون معه صراحه ماادري وش يسون له بالضبط بس المهم انه خلاص معاد يدق عليك لانه قد صارت هالمشككله مع امي واتصلت عليهموقالت لهم وعلموها الطريقه حتى انها قالت لهم اخاف انه موبايلي او زين وانا اتصالات يعني شلون تتفاهمون معه قالو عادي احنا نجيبه لو من أي شركه اتوقع بينهم اتفاق للارقام المزعجه انهم كيف يسيطرون عليها؛؛؛بجد الله يجزاهم خير ع هذي الخدمه