عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته
بدون مقدمات
قصتي بدون مااطول عليكم
( هي ( لا
انا متزوجه من 4 سنوات بالضبط
من عرفت رجلي وكل شي محرم عنده
يعني بقولكم
هو رجل محترم يحبني واحس فيه وانا احبه والخطا أني حبيته أكثر من نفسي
وتنازلت في البدايه عن كل حقوقي بدافع اني ماابي ينزعج
بالرغم من اني كنت اضغط على نفسي كثير
نرجع له هو جدا حنون كريم لاقصى درجة ورحوم حيل
بس يقول انه يغار من كل شي
برجعكم معي قبل 4 سنوات بيت الوالد الله يرحمه
كنت بنت عاديه البس عبايه كتف واسعه ولله الحمد البس نقاب عمري ماحطيت بعيني نقطه كحل
البس بنطلون البس قصير
يعني لحد الركبه وانتم عاارفين هالاشياء وانا من سكان الرياض يعني اطلع مع السواق واروح مع صاحبباتي للسوق والكفي بس اكيد امي تعرف امهاتهم
على العموم لما تزوجت
او تملكت قالي انا ماابي البنطلون ولا القصير ولا الكتف قلت له انا مااقدر عنهم قالي بعدين نتفاهم
ولما تزوجت
منع عني كل شي عدي واغلطي
البنطلون
الركبه مع السواق انسي تماما ولا لاي حاجه حتى المستشفى
القصير بكل انواعه حتى الميدي
النقاب
طلعة السوق مع احد
طلعت كفي او اي تجمع للبنات برا البيت لا
بيت صديقاتي لا
السوبر ماركت مع بنات عمي لا
حتى ارقام عيال عمي مسحها من جوالي
وممنوع تكلمي اي رجل على وجه الارض حتى 905 او 907
البجايم لا طبعا الا بالبيت وماعندي الا هو
حتى البلاك بيري قالي بشتري انا وانتي رحت من لقافتي شريته له هديه ولما جربه رفض يشتريلي اياه
واللي طفح عندي الكيل اليوم اقوله صديقتي بروح الملاهي معها يقولي الموضوع مو مقنعني <<<< مدري وش دخل الاقناع بالسالفه
طبعا السفر برا الديره مع اهلي لا
الجوال بعد 12 بالليل من المحرمات
حتى رقم جوالي لازم ادق عليه واقوله فلانه الفلاني عادي اعطيها رقمي والايميل بعد
والزواجات من طرف صديقاتي ممنوع بعد
والله طفشت من لبس الجالبيات خاصه ان مجتمعي سواء اعمامي ولا خوالي محد يلبس تنوره طويله ولا جلابيه خاصه اللي بعمري 25 واقل الا انا وجدتي والشغاله حتى الشغالات تطوروا الحين يلبسون البنطلون حق اللبس الموحد
وحاولت اقتعه بالدقله فوق البنطلون بس يطلع طرف البنطلون من تحت ورفض بصراحه شي زايد عن حده
لحد يقول هذي اشياء تافهه ايش بقى كثر مايقول لا طقت كبدي منه
قسم بالله طفشت
وانا والله ماقصرت بيتي ولا عيالي حتى اجي من الدوام الساعه 3 العصر ماانام عشان عيالي والشغاله ماتمسكهم ابد باي شي وهو كل اشغاله اسوي له حتى الكريم مايفتح انا افتحه وملابسه الداخليه لما يطلع من الحمام اعزكم الله لازم انا اطلعها وهذا خطاي انا دلعتوا زياده عن اللزوم
وبالمقابل لو اقول اي كلمه عصب علي حتى لو اقوله قصر صوت مسجل السياره راسي مصدع يطفش ويتنرفز وهذي حالتنا اربع سنوات زعل × زعل
بالبدايه لما تنازلت له طبعا بعد اضراب عن الطلعه واضراب عن الروحات وكل شي ولا فاد
بحكم اني الحين خارج الرياض يعني مالي الا الله ثم هو
تنازلت عشان مدينتهم كلها تقريبا محافظه فلت صعبه شوي الحين كل العالم فكت ماعدا هو مازال متمسك برأيه
لحد يقولي شكاك لا هو تارك لي الجوال مفتوح والنت مفتوح واروح للسوق لحالي
بس يقول انا ماعندي ثقه بالناس
الله يوفقكم ابي حل لو في احد مثلي
تراني بعيده عن اهلي
ومااعرف فهالديره الا عيالي وشغالتي والجدران
قبل منسى كتاب رجال من المريخ ونساء من الزهره حفظتوا ومااعطى نتيجه
اذا احد عنده رقم مستشاره اسره ومجربه ياليت ترسلي اياه
اسفه على الاطاله
