عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبتين ياحوامل ياحلوات الله يسهل عليكم كلكم وتولدن بالعافيه 
اليوم بكتب لكم قصة ولادتي الي طال انتضارها خخخخخخخخخ واثقه :Dاول شي انا ولدت بطلق صناعي لان المويه قلت على الجنين فقالت لي الدكتوره لازم تولدين في اسرع وقت
نبدى القصه عطتني الدكتوره موعد يوم الجمعه الموافق 8 >1
قالت تعالي فلليل متأخر يعني بعد الساعه 12 المهم طلعت مع زوجي من البيت 12ونص طبعا ماقلت لاهلي شي ماله داعي يتوترون ويشيلون همي بس زوجي ماقدر يخبي عن اهله المهم اتجهنا لمستشفى دله كنت متوتره شوي بس مب مره وزوجي متتتتتتتتتوتر مره كنه هو الي بيولد بعد ماوصلنا جلس زوجي يسوي اجرأت الدخدول لحد الساعه وحده بعدين ودوني غرفتي الي قبل الولاده كانت مره مره مرتبه ومريحه جلست فيها شوي بعدين جابو لي اكل وحليب دافي وملابس كلت من اكلهم مع اني شبعانه متعشيه شاورما خخخخخخخخخخ بعدين رحت الحمام وشفت خيوط دم احمر خفيفه تنزل مني بس ضبطت اعصابي بعد شوي جابو لي جهاز تخطيط قلب الجنين وركبوه لي وقاسو ضغطي والسكر وشافو الحراره بعد كذ جتني الدكتوره المناوبه وكانت مره حبوبه وسألتني عن بعض الاشيا وقلت لها عن الدم قالت طيب تحسين بطلق قلت لها لا قالت بكشف عليك من تحت عاد انا كنت شايله هم الولاده في كوم والكشف من تحت في كوم لان البنات في التجمع يقولون يعور المهم توكلت على ربي وكشفت دخلت بس اصبع تحسين بوخزه خفيفه بس مايعور مره وقالت ان الرحم مفتوح واحدونص هالكلام الساعه 2 باليل وقالت بجي الساعه 6بعطيك اول جرعه من الطلق الصناعي وراحت وجلست ماجاني النوم زوجي انسدح على الكنب ونام رجعت الدكتوره الساعه 6 وعطتني اول جرعه من الطلق الصناعي وقالت لي اصبري ساعه بعدين اطلعي امشي في ممرات المستشفى المهم ولاحسيت بطلق ولاااااشي قلت في نفسي والله الولاده سهله خخخخخخخخخ الساعه 7 ونص بديت امشي وبدى الطلق 😡 كان فلبدايه خفيف بعدين بدى يحمى لين انتضم كل خمس دقايق والله يابنات من الالم ماقدرت امشي احس اني بدوخ واستدعيت الدكتوره الساعه 10 وجت وكشفت من تحت قالت مفتوح 3 بغيت انجلط من 6 لين 10 بس 3 وقلت لها ابي ابره اضهر مااقدر اتحمل الالم قالت اوكي ودوني لغرفة الولاده الساعه 11 وخذت الابره والله يابنات مره تجنن اختفى الم الطلوق وجلست لين الساعه 12 ونص وجتني دكتورتي الي انا مستدعيتها وكشفت قالت مفتوح 5 واتوقع انك ماتولدين قبل 4 ونص وراحت بيتها على اساس انها بتجي الساعه 3 المهم قلت اجل بنام شوي توني اغفي الا اقوم على الم نغزات غريبه من تحت وكل شوي يزيد الالم ناديت النيرس وكشفت قالت ولاده الرحم مفتوح 10 والراس نازل هالكلام الساعه 1 الضهر ودقو على دكتورتي جت الدكتوره 1 وربع وبدت تولدني كانت مرررره طيوبه علمتني وشلون ادفع لاني بكريه ماعرف ادفع وكنت شاده حيلي فالدفع بس البيبي كان حجمه صغيرون وماكان يدفع نفسه تعبت من الدفع وقلت لدكتوره اسحبي مااقدر ادفع اكثر المهم جابت الحفت وسحبت البيبي وطلع للدنيا الله يخليه لي وبدت تخيط وانتهت قصه ولادتي الي كانت زي الحلم وصرت ام واتمنى لكم كلكم ولاده حلوه زي ولادتي 😆
