لا تتعاملوا مع أفراد قارة افريقيا إلا من رحم ربي

عيدكم انتوا سعيد وأنا تعيس

لسوء حظي حبيت أجامل أقاربي بمجموعة من الشنط المدرسية

وفي طريقي للبحث عن الشنط كتبتلي واحدة تونسية اسمها رضية ابراهيم قرين

هي تبيع خلطة نكتار وهاذا رابط ملفها :

وقالتلي إنو عندها الشنط متوفرة وموجودة بجميع الألوان اللي أبغاها بس تبغى التحويل

يكون عن طريق وسترن يونيون المهم حبيباتي كانت البنوك عندنا في السعودية

بتقفل عشان إجازة عيد الفطر لفيت على البنوك ( سامبا – ساب – العربي – الرياض – الأهلي – الراجحي )

كلهم رفضوا وقالوا لازم يكون عندها رصيد في السعودية المهم اتصلت عليها وخبرتها بالخبرية

قالت لي أنا شحنت البضاعة عن طريق ارامكس ولازم ترسليلي الفلوس وإلا أشرشحك

رحت لمصرف العامودي حولت المبلغ ( 2460 ريال ) وكلفني 150 ريال حوالة لبنك الفلاحي الوطني بتونس

اتصلت عليها كذا مرة وبعد حقران ردت علي واتهمتني إني نصابة وحرامية وإنها ما تبغى تستلم الفلوس

من بنك .. تبغاها عن طريق وسترن يونيون .. قصرت الشر ورحت لمصرف العامودي وسحبت المبلغ

ودفعت 150 ريال مرة ثانية عشان أسحبه .. وبعدين رحت لمصرف إنجاز وكلفني تحويل المبلغ 155 ريال

في هاذي الفترة عبال ما يحصل التحويل حوالي 35 رسالة شتم من صاحبة الصون والعفاف

ومن يومها وأنا أرن عليها تليفون وأرسللها رسايل ولا ترد علي وأطالبها بالبضاعة اللي المفروض

تكون شحنتها من يوم 26 رمضان .. راجعت ارامكس ووريتهم الرقم اللي ارسلتلي هوا برسالة

قالوا إنو هاذا الرقم مو صحيح ولو في شحنة كان وصلت من ثاني أو ثالث يوم العيد بالكثير

والين اليوم ما وصلني ولا شي 🙁