لا اااللخصام

اسمحولي احكيلكم قصه
كان ليا زميله وانا في الكليه واختلفنا احنا الاتنين علي حاجه واتخاصمنالمده ترم كامل
وخلال السنه دي طبعا كنا بنشوف بعض تقريبا كل يوم واول منشوف بعض لاما نبعد عن بعض قدر المستطاع او اقل حاجه كل واحده تودي وشها الناحيه التانيه والمشكله بالنسبه ليا ان كان لينا نفس الزمايل او الاصدقاء
يعني لو واقفه مع واحده زميلتي اتضايق قوي ومن اسباب ضيقي انها منعاني اكلم زميلتي دي لحد ميخلصو كلام وبعدين افضل افكر يتري هما بيتكلمو في ايه بيقولو اي عني؟ ولو كنا في سكشن مثلا اطلع مش فاهمه حاجه لاني كنت مشغوله بحاجه تانيه خالص وحاجات تانيه سلبيه كتير

المهم بعد مالحمد لله الخلاف خلص وبنات الحلال قدرو يصالحونا علي بعض تاني ورجعنا كأن شيئا لم يكن
بصيت علي الفتره اللي مرت عليا وانا مخصماها لقيت نفسي كنت عبيطه جدا وعرفت ان الخصام هو انسب بيئه لنمو الكراهيه والمشاعر السلبيه وتضييع للوقت وللجهد اللي مفروض يبذل في مكانه علشان ميروحش هدر

داه كان ملخص سريع لنتيجه خصام مع زميلتي
قال صلى الله علية وسلم
(لا يحل لمسلم أن يهجر أخاه فوق ثلاث يلتقيان يصد هذا ويصد هذا رى وخيرهما الذي يبدأ بالسلام).

فالصلح خير ولا تستوي الحسنة ولا السيئة ادفعي بالتي هي أحسن

وربنا عالم دي يمكن المره الوحيده اللي خاصمت فيها حد كده لاني اجتماعيه قوي والخصام عكس شخصيتي:(

علشان كده معلش استحملوني
يلا نتفق من النهارده ان مفيش واحده تنام وهي مخاصمه اي حد

الوالدين
نبوس ارجلهم قبل ايديهم دايما علشان يرضو عنا مفيهاش كلام دي

الزوج

طبعا كلنا متفقين انه الحياه متخلاش من الخلاف وعدم التوافق احيانا
وان لاقدر الله حصل اهم حاجه متباتيش وانتم متخاصمين وكل واحد في ناحيه
متعرفيش هو ساعتها بيفكر بايه ناحيتك والشيطان شاطر هيفكرو بكل حاجه ضايقتو منك وهينسيه اي حاجه حلو و………… متديش فرصه للشيطان واخزيه

عارفه هتقولي كرامتي وان صالحته مره هيتعود عليها وهيسوق فيها
بلاش تصالحيه بطريقه مباشره
استخدمي ذكائك واعرفي نقط ضعفه والعبي عليها وصدقيني الراجل كاطفل اي حاجه حلوه بتاثر فيه
ومبيشلش في نفسه زي معظمنااااا ههههههههههه معظم الستات
هتفرق معاكي في النهايه

ندخل علي الاخ والاخت

عارفين الحياه بقت اد ايه صعبه علينا كلنااااااااااا وضغوطها كبيره وكتيره
نحاول نعدي ومنمسكش علي الواحده ولو حصل جامده من ناحيتهم لاقدر الله صفي نفسك من داخلها
ووسطي اي قريبه تثقي فيها مثلا انها تحل الامر من غير متقول للطرف التاني انك وسطتيها او تانزلي شويه وحلي الموضوع بنفسك

الجارات
معرفش ليه يبنات كل ماالدنيا تغلي الجيران بيختفو من حياتنا شويه شويه هههههههه
والله من كام سنه كنت بشوف جاراتنا كتير وعلي وجوههم ابتسامه عريضه مع ارق الكلمات علي اللسان
لكن دلوقتي والله في اجازاتي ماصدفتش ولا واحده وكل مسئل عنهم يقولو الدنيا تلاهي

علي العموم لما ربنا يرزقك بجاره طيبه الحاجه اللي انا محرومه منها امسكي فيها بايدك واسنانك واوعي تزعليها ولاتتخاصمو ابدا

ربنا يصلح لنا الامور دايما

خلاص انا خلصت كلامي وطولت عليكم اعذروني
الدور عليكم باه