لايفوتكم عجينه من مقدارين فقط ؛؛؛؛؛؛؛

اليوم أقدم لكم عجينة فطائر تتكون من مقدارين فقط ( طحين + قشطه ) = طبخه حلوه مره .
يعني تحطون مثلا علبتين قشطه عاديه وتحطون عليهم اللي يعجنهم من الطحين ، بعدين تعملون فطاير أنا مثلا أشكلها بيدي وأحشيها جبن كيري (اللي ياخذ كل تفكيري )… هههههههههه … وبعدين أحززها شوي بالشوكه وبعدين تقلى في الزيت بلا تخمير ولاخرابيط … وتقدم .

واذا حبيتو نفس العجينه تكون حلى أضيفو للعجينه تقريبا ملعقة بيكنق باودر ،أنا لما استخدمتها كحلى شكلتها بيدي زي الكور وطبعا حشيتها بجبن كيري وقليتها بالزيت وبعدين غمستها بالحليب المركز المحلى وبعدين أغمس راسها بجلكسي مبشور وأحطها في الفريزر شوي أو الثلاجه قبل التقديم حتى ما تذوب الشوكولاته ..

وبالهناء والعافيه ، سووها ألحين أو في رمضان واذا عجبتكم دعولي ، حتى لو ماعجبتكم دعولي عشان محاولتي الجاده في اعطائكم طرق سهله ، أبغى تفاااااااااااااااااااااااعل … أنا اشتهيتها وأنا أكتبها شكلي بسويها اليوووووووووووم ….