عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هاااااي فرآآشــات اخبــاركم مع الصووم والطبخ والنفخ
المهم انا جــايبه وصفة لازانيا البيتزآآ شي مو طبيعي هي صحيح
يبيلها شغــله بس من جد لذيييييذه ,,
المقــادير ..
ستة سرائح لازانيا
نص كوب شرائح زيتون اخضر
نص كوب شرائح زيتون اسود
علبه مشروم مقطع
ربع فلفله حمرا بارده مفطعه مكعبات
نص كوب جبن تشيدر مبشوره
نص كوب جبن موزريلا مبشوره
مقادير صلصلة البــاشميل ..
ملعقتين طعام زبده
ملعقه طعام زيت
4 ملاعق طعام طحين
عشر ملاعق طعام حليب بودره تذوبينه مع خمسه اكواب ماي
مكعب ماجي
الطــريقه ..
تحطين الزبده والزيت عالنار عقب تحطين الطحين لين مايتمازجون مو يتكتلون اذا شفتي كميه الطحين اكثر من الزبده زيدي زيده لين مايذوبون مع بعض بعدين حطي الحليب اللى مذوبته شوي شوي وتحركين لين ماتذخن الصلصه وحطي مكعب الماجي لين مايذوب وانا بالنسبه لي احط جبن موزريلا داخلها عشان تذوب معاه
مقــادير صلصلة البيتــزا ..
علبه طماطم مقشره تلاقينها بالجمعيات او اذا ماعندج حطي طماط بالخلاط عشان ينفرم
نص عود كرفس
ملعقتين معجون طماط
ملعقتين كاتشاب
ملعقه زيت زيتون
ملح
فلفل اسود
بهارات خفيفه
رشه بسيطه من كل نوع عندج
الطــريقه ..
تفرمين الطماط مع الكرفس بعدين تخلطين مقادير الصلصه وخليها على النار لين ما تطبخ شوي
مقــادير اللحم المفروم ..
بصل مفروم بالكميه اللى تحبينها
زيت زيتون
ثلاث فصوص ثوم مدقوقه
لحم مفروم
بهارات اللى عندج عشان تروح زفرة اللحم وانا من ناحيتي ما احب اللحم فما احطه
الطريقه:
تحمرين البصل والثوم مع الزيت وبعدين تحطين اللحم وكل مايطلع ماي تقطين مايه لين ماتنحمس وحطي عليها بهاراتج كلها وخلاص
الطــريقه النهائيه ..
اول شي
تسلقين شرائح اللازانيا بماي فيه ملح وشوي زيت عشان مايلصق بعدين تصفينها وخليها على جنب
فيه صينيه فايركس تصبين شوي من صلصه الباشميل وتصفين نصف شرائح اللازانيا ثم صلصه الطماطم باكملها بعدين تنشرين قليل من الزيتون والفطر والحمه المفرومه والفليفله واخيرا الجبنه بنوعيها تكررين العمليه ماعدا صلصه الطماط حتى النهايه اخر شي تنثرين باجي الخضروات والجبن وكثري من الموزريلا على الوي ودخليها الفرن لمده 180 درجه لمده 45 دقيقه وتقدمينها …
ان شالله عوآآآفي ..
دمتــم بحــفظ الرحمــن ,,
