عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته ..
كيفكم فراشات … واخير نزلت لكم طبخه من طبخاتي 
(جاهزه طبعا كل المكونات بعد ما استوت صورتها لكم ) .. انا عملتها بالبصل والفلفل الاخضر البارد وطماطم .. وبهارات
واجي ناموتو .. وملح …
2-(بشاميل )..طريقتي
اذوب زبده واحط عليها 3 ملاعق تقريبا دقيق بصراحه انا بالنظر فلا تاخذون على مقاديري ..
واذوب 12 ملعقه حليب جاف بمويه واحط على الدقيق والزبده واحط ماجي مكعب وملح
واذا حسيت انها خفيفه اضيف دقيق شووي
3-(صلصه )..و الجبنه ( استخدمت نوعين شيدر .. وجبنة الفرسان بنات جده تلاقونها بالرايه )روعه وعن تجارب مو تجربه
طريقتي بالصلصه افرم بصل وحده كبيره مع ثوم ..وافرم طماطم 3 كبيره
احط زيت في قدر واضيف البصل مع الثوم لين يذبل واحط عليها الطماطم ومعجنون الطماطم وملح واجي ناموتو وبهارات …
4_ لازانيا حطيتها في صينيه مربعه وفيها مويه وشوي زيت وملح وماجي وغطيتها بقصدير ..
نجي هنا لطريقة تحضير الازانيا ..
طبعا اول شي حطيت فالصينيه لحمه مفرومه وفوقها صلصه
وبعدين شرايح لازانيا
وبعدين لحمه وصلصه وفوقهم جبنه
وبعدين شوي بشاميل
واكرر الطريقه نفس الخطوات اللي فوق آخر طبقه تكون الجبنه وفوقها بشاميل
وهنا من الجنب شايفين الطبقات (ماهي واضحه مره (معليش )
وهنا بعد مادخلتها الفرن ..طبعا ثلث ساعه من تحت وبعدين من فوق لين تتحمر
وهنا اول قطعه لبنتي وفوقها جبنه (طبعا بعد ماطلعتها من الفرن رشيت عليها جبنه ودخلتها الفرن شوووي من فوق بس )
ان شاء الله تعجبكم ..
واعذروني اول مره انزل طبخه ..
واي خدمه انا حاظره …
تقبلوا ودي …
