عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
طبعا انا من كثر مارحت للمستشفى على اساس اني خلاص ابولد وبالاخير اطلع ماولدت ولاشي
بصراحه تعبت من كثر ماشف هالحريم
هذي تصيح وهذي تتالم وحاله الله يفرج عليهم ويكتب لهم الاجر وعلى كل مسلمه وعلي يارب
المهم من خلال زياراتي المتكرره صرت اشوف واسمع عن اشياء ماكنت اعرف عنها ومعلومات جديده علي ..
اول شي ابقولكم انا وش اخذت درس
اني مااتوجه للمستشفى الا اذا حسيت بآلام الطلق الحقيقي او نزلت مويه كثيره صافيه تغرق الملابس والي هي مويه راس البيبي او طبعا دم كثيررررررررررر موش الدم الخفيف الي مايحتاج فوطه وانتم بكرامه
المهم هذا عن تجربتي
لان دخول المستشفى قبل موعد الولاده شي اعوذ بالله كل مره ادخل واطلع احس اني اتعب اكثر من الي ولدت وخلصت واخاااااااف اكثر واكثر
لا كني كنت اسال الحريم عن كل شي مااعرفه وماكانوا يقصرون الله يجزاهم كل خير
ومن هذي الاشياء الادويه الي ياخذونها قبل الولاده
والي هي
ابره الظهر : وهذي ممكن يعطونك اياها من نفسهم او انتي الي تطلبينها بنفسك واذا ماطلبتيها ممكن مايعطونك اياها
ابرة الظهر هذي تخفف كثير من الآلام الولاده
ووقتها اذا انفتح الرحم 4 او 5 سم
وفيه برضوه
ابره حقت تسكر الرحم ..والي بعض الحريم ياخذون المره عشان مايتسكر الرحم
طبعا انا سالت الدكتور عن المره والقرفه هاوشني وقال لاتاكلين ولاتشربين شي قبل ولادتك
وعصب من سالفت القرفه مرره
وقال الاشياء الي تشربها الحامل هي الي تسبب لها مشاكل وقت الولاده واحيانا تعسر الولاده
بس فيه حاجه الحريم كانوا يقولون لي لاتاخذينها لانها مررره تعور .. وقالوا انك تقدرين ترفضين اي علاج بس اهم شي تكونين عارفه هو حق ايش
مثلا الحقنه الشرجيه
هذي مفعولها زي الحلتيت تحل البطن
كان جنبي فالغرفه حرمه عطوها اياها وتغيرت نفسيتها 180 درجه وانقلب حالها وهي كانت مافيها الا العافيه قبلها
تقول احس بطني منفوخ ومتحجر ومو قادره حتى اسوي شي بالحمام وانتوا بكرامه
انا طبعا اتكلم عشان الكل يكون على علم بكل شي
وهذي الحقنه مو ضروريه فالولاده اذا ماكان عندك امساك .. لانها تفضي البطن عشان وقت الولاده يكون فاضي ➡
وانتي طبعا اذا ماعندك امساك تقدرين تروحي لدوره المياه عادي ماعندك مشكله هذا طبعا الي فهمته
وانا هذا اول حمل لي ..
ايه وبعد قالت لي وحده من الحريم لاتخلين اي الممرضات يفحصونك طبعا اذا كنتي في مستشفى اهلي اما الحكومي فاذا دخلتي اسالي عن الدكتوره واطلبيها ..
وهذا الي سمعته و شفته قلت اقوله لكم لعل الجميع يستفيد
ومابي الا دعواتكم
والله يسهل على الجميع
وياليت الي تعرف بعد شي اضافي تقول لنا ..
