عالم البنات النسائي كل ما يخص المرأة العربية من ازياء وجمال والحياة الزوجية والمطبخ
في البداية لنترحم على أرواح شهداء سوريا
من الرجال والنســاء والأطفال
والله إن مشاكلنا وهمومنا بسيطه
مقارنة مع ما يمرون به
لاتبخلوا عليهم
بالدعآء
~~~~~~~ ~ ~~~~~~~
موضوعي بأختصار :
لاحظت إن كثير بنات من الي أعمارهم 25 و 26 و 27 وطالع
تزداد شروطهم في العريس المقتدم أكثرمن البنات الي اعمارهم 22و تحت !!!
السبب أتوقع من باب: صمت و صمت و صمت وماراح أفطر على بصل!!!
بس معليش مو لهالدرجه
أحيانا يكون المتقدم مواصفاته ماراح اقول مثالية
ولكن لا بأس به, ولكن ترفض البنت!
والمصيبه إنها في كل مره تتعشم وتقول عسى المتقدم الي بعده بيطلع أحسن
ثما تنصدم بأن المتقدمين كل مالهم يطلعون أسوأ
ثما تندب حظها و تتمنى لو أنها وافقت على الأول
ومشكلتنا بيئة النساء فيه حقد مو طبيعي
وكل وحده تفسد على الثانية
لادرت إن صديقتها تقدم لها واحد فيه عيب او اثنين
جلست تخوفها وتقول لها انتبهي لاتاخذيه وتراني اعرف قصة لفلانه
قد اخذت من هالعائلة واحد سوا معها كذا وكذا … إلخ
ثما تتأثر هالبنت وترفض !
يختي اصابع يدينك مو وحده
مو شرط كل المطلقين سيئين
مو شرط كل المعددين ظالمين
مو شرط كل الي ماهم من منطقتك مو مناسبين
وصايا رسولنا الكريم واضحة
1- ركزي على دينه وخلقه
2- شوفيه شوفه شرعيه لأجل ترتاحين لشكله
3- استخيــــري
وبس
مو تخلين الناس هي الي تقرر عنك
وتتأثري من كلام الحقاد والحساد والي مايبون لك الخير
الين وصلت لمرحلة ان بعض البنات يرفضون المتقدم من قبل لا حتى تشوفه
وش رايكم بالموضوع
